एकद्वार सङ्कट व्यवस्थापन केन्द्रमा इन्सेक प्रतिनिधि

  ०७३ पुस ३ गते

राजविराज नपा-३ स्थित गजेन्द्रनारायण सिंह सगरमाथा अञ्चल अस्पतालमा सञ्चालित लैङ्गिक हिंसा न्यूनीकरणसम्बन्धी एकद्वार सङ्कट व्यवस्थापन केन्द्र जिल्ला समन्वय समितिमा इन्सेक प्रतिनिधि मनोहरकुमार पोखरेल छानिएका छन् ।

निमित्त प्रमुख जिल्ला अधिकारी रामेश्वर अर्यालयको अध्यक्षतामा सम्पन्न बैठकले लैङ्गिक हिंसाका न्यूनीकरणका क्षेत्रमा कार्यरत अधिकारकर्मीका रूपमा इन्सेक प्रतिनिधि पोखरेललाई पुस ३ गते छनौट गरिएको समितिका सदस्य अनीता देवकोटाले बताइन् ।

लैङगिक हिंसाबाट प्रभावितहरूमा पर्ने शारीरिक, यौनजन्य तथा मनोवैज्ञानिक असरको एकीकृत र प्रभावकारी उपचार गर्न अस्पतालमा ०६९ जेठ १९ गतेदेखि उक्त केन्द्र सञ्चालनमा आएको हो ।

सरकारले पहिलो चरणमा सेवा केन्द्र रहेको सप्तरी जिल्लासहित सुनसरी, सर्लाही, मकवानपुर, दाङ, जुम्ला, कञ्चनपुर, बाग्लुङ, पाँचथर, सोलुखुम्बु, तनहुँ, नवलपरासी, काभ्रेपलाञ्चोक, बर्दिया र डोटी जिल्लामा परीक्षणका रूपमा एकसाथ कार्यक्रम लागु गरेको थियो ।

लैङ्गिक हिंसा, घरेलु हिंसा, यौनजन्य हिंसा प्रभावितहरूलाई केन्द्रले स्वास्थ्योपचार, औषधिउपचार, कानुनी परामर्श, कानुनी उपचार, मनोसामाजिक परामर्श दिँदै आएको छ ।


अनलाइन डेस्क