उम्मेदवारमाथि आक्रमण गरेको आरोपमा प्रहरीमा उजुरी

  ०७९ वैशाख २५ गते

छथर गाउँपालिकामा नेकपा एमालेबाट अध्यक्ष पदका उम्मेदवार सन्तवीर तिगेलामाथि वैशाख २४ गते आक्रमण गरेको आरोपमा गठवन्धनका उम्मेदवारविरूद्ध नेपाल कम्युनिष्ट पार्टी छथर गाउँ कमिटिले प्रहरीमा उजुरी दिएको छ ।

पाँच दलीय गठनबन्धनमा नेकपा माओवादी केन्द्रबाट गाउँपालिकामा अध्यक्ष पदका उम्मेदवार इन्द्र इम्सङ र नेपाली कांग्रेसबाट गाउँपालिकामा उपाध्यक्ष पदका उम्मेदवार टेकराज तिगेलाको नेतृत्वको समूहले वैशाख २४ गते घरदैलो कार्यक्रम सम्पन्न गरी खाना खाइरहेको अवस्थामा साङ्घातिक आक्रमण गरेको नेपाल कम्युनिष्ट पार्टी गाउँ कमिटिको आरोप छ ।

छथर गाउँपालिका–५ मा घरदैलो कार्यक्रम सम्पन्न गरी खाना खाइरहेको अवस्थामा गठवन्धनका उम्मेदवारहरूले साङ्घातिक आक्रमण गरेपछि उनीहरू विरूद्ध वैशाख २४ गते जिल्ला प्रहरी कार्यालयमा उजुरी दिएको गाउँ कमिटि अध्यक्ष धर्मराज खुलालले इन्सेक प्रतिनिधिसँगको फोन सम्पर्कमा बताउनु भयो ।

नेकपा एमालेबाट गाउँपालिका अध्यक्ष पदका उम्मेदवार सन्तवीर तिगेलामाथि वैशाख २४ गते साङ्घातिक आक्रमण भएको विषयमा प्रहरीमा उजुरी परेको जिल्ला प्रहरी कार्यालयका इन्स्पेक्टर छे फिञ्जो भोटले इन्सेक प्रतिनिधिसँगको फोन सम्पर्कमा बताउनु भयो ।

आरोपित पक्षले भने घटनामा संलग्नता अस्वीकार गरेको छ ।

साङ्घातिक आक्रमणमा परी एमाले समर्थक वुद्धिमान खुलाल घाइते भएको र उनको वीपी कोइराला स्वास्थ्य विज्ञान प्रतिष्ठान धरानमा उपचार भइ राखेको छ ।

प्रहरीले घटनाको विषयमा अनुसन्धान थालिएको जानकारी दिएको छ ।

घटनाको विरोधमा नेपाल कम्युनिष्ट पार्टी छथर गाउँपालिका कमिटी अध्यक्ष धर्मराज खुलालले वैशाख २५ गते विज्ञप्ति जारी गरी दोषीलाई कारबाही गर्न माग गरेका छन् ।

photo 20220508 terhathum


सुरेश खत्री