समाचारहरू

मुसिकोट नगरपालिका उपप्रमुख बिमल कुमार पुनले साउन ९ गते कार्यालयको काम गरिरहेका बेला शिक्षा शाखा प्रमुख नरेन्द्र ओली माथि कुटपिट गरेको पीडितले आरोप लगाउनु  भएकाे छ ।

मुसिकोट नगरपालिका –१ मा रहेको त्रिभुबन जनता माध्यमिक विद्यालयको उच्च माध्यामिक तहको लेखा बिषयको शिक्षक पदपुर्तिको लागि निमित्त प्रमुख प्रशासकिय अधिकृत बिनाराम खडकाको कार्यकक्षमा आवश्यक काम गरिरहेका बेला परीक्षा रोक्न भन्दै आफू माथि नगर उपप्रमुख पुनले हातपात गरेको शिक्षा शाखा प्रमुख ओलीले बताउनुभयो ।

उपप्रमुख पुनले भने सेटङि मिलाएर कर्मचारी भर्ना गर्न खोज्ने प्रवृतिको अन्त्यका लागि आफू लागीपरेको उल्लेख गर्नुहुँदै कोही कर्मचारी माथि हातपात नगरेको दाबी गर्नुभयो ।

आफूले अनयिमति तरिकाले विद्यालयको कर्मचारी भर्ना गर्न खोज्ने प्रकृया रोक्न माग मात्र गरेको तर हातपात नगरेको बताउनुभयो ।

पीडित ओलीले सोही दिन आरोपति विरुद्ध जिल्ला प्रहरी कार्यालय उजुरी दिएको डिएसपी नमराज भट्टराईले जानकारी दिनुभयो ।
उक्त घटनाको विषयमा आवश्यक छानबिन गरी दुबै पक्षलाई राखेर छलफल गर्ने डिएसपी भट्टराईले बताउनुभयो ।

हिरा परियार