समाचारहरू

देवताल गाउँपालिका–७ पिपरपाती जब्दीको वडा कार्यालयमा रहेको मतदान केन्द्रमा होहल्ला गरि मतदान स्थलमा बाधा आवरोध गर्ने पाँचजना आरोपितलाई जिल्ला प्रहरी कार्यालयले वैशाख १० गते मतदान स्थलबाट गिरफ्तार गरेको छ ।

आरोपितहरूलाई गिरफ्तार गरि थप अनुसन्धान गरिरहेको एसपी होविन्द्र बोगटीले बताउनुभयो ।

रौतहट जिल्ला बौधीमाई नगरपालिका–४ का ४७ वर्षीय बृजकिशोरप्रसाद यादव, जिल्ला रौतहट बृन्दावन नगरपालिका–१ का ४२ वर्षीय दयाराम राउत, बृन्दावन नगरपालिका–४ का २५ वर्षीय उमेशकुमार यादव, जिल्ला बारा प्रसौनि गाउँपालिका–४ का ३८ वर्षीय मङ्गलप्रसाद साह, देवताल गाउँपालिका–७ पिपरपाती जब्दीका ६२ वर्षीय रामसागर यावदलाई गिरफ्तार गरेको एसपी बोगटीले बताउनुभयो ।

दिउसो ३ः३० बजेसम्म पचास प्रतिशत मत खसेको मुख्य निर्वाचन अधिकृत मुकेश उपाध्यायले बताउनुभयो । उहाँले मतदान स्वच्छ, निस्पक्ष र भयरहित वातावरणमा सम्पन्न हुने बताउनुभयो । उहाँले अशक्त, अपाङ्गता भएका मतदातालाई लाइनमा बस्न नपर्ने व्यस्था मिलाइएको बताउनुभयो ।

 

भोलानाथ पौडेल