उच्च अदालतद्वारा कारण देखाउ आदेश
पुन मतगणनाको माग राखी परेको रिट निवेदन उपर उच्च अदालत सुर्खेतले विपक्षीको नाममा कारण देखाउ आदेश जारी गरेको छ ।
उच्च अदालतका मुख्य न्यायाधीश डम्मरबहादुर शाहीको एकल इजलासले जेठ १८ गते विपक्षीका नाममा कारण देखाउ आदेश जारी गरेको रजिष्ट्रार जितेन्द्र थपलियाले जानकारी दिए ।
भेरीगङ्गा नपा-१० का एमालेका वडाध्यक्ष उम्मेदवार धनबहादुर कामीले आफू दुई मतले पराजित भएको भन्दै पुनः मतगणना हुनुपर्ने माग राखी जेठ १४ गते रिट दायर गरेका थिए । उनले काङ्गे्रसका तर्फबाट वडाध्यक्षका निर्वाचित उम्मेदवार मानबहादुर बुढामगर, निर्वाचन अधिकृत जङ्गबहादुर डाँगीलाई विपक्षी बनाएका छन् ।
वैशाख ३१ गते भएको स्थानीय तह निर्वाचनमा रिट निवेदक कामीले ७ सय २४ र बुढामगरले ७ सय २६ मत प्राप्त गरेका थिए ।
यसैगरी दैलेखको गुँरास गाउँपालिका-४ की खुला महिला सदस्यकी उम्मेदवार हरिमाया सारुले जेठ १५ गते उच्च अदालत सुर्खेतमा रिट निवेदन दायर गरेकी छन् । उनी काङ्ग्रेसकी उम्मेदवार हुन् । उनले एमालेबाट निर्वाचित उम्मेदवार चन्द्र विष्ट र निर्वाचन अधिकृत मेघनाथ उपाध्ययलाई विपक्षी बनाएकी छन् । हरिमायासँग चन्द्रा एक मत अन्तरले विजयी भएकी हुन् ।
दुर्गा थापा
सम्बन्धित समाचारहरू
मानव बेचबिखन तथा ओसारपसार घटनाका आरोपितहरू गिरफ्तार
२३ वर्षीया महिलालाई भारतमा लगेर बेचबिखन गरेको आरोपमा तुलसीपुर उमनपा–१६ का ३० वर्षीय राजेश नेपाली, पत्नी ३५ वर्षीया राधा पाण्डेय र भारत उत्तर प्रदेश बलरामपुर जिल्ला इमिलियाका ४९ वर्षीय रामनिवास…
मानव अधिकार आयोगका केन्द्रीय अध्यक्ष र मानव अधिकारकर्मीहरूबीच अन्तरक्रिया
राष्ट्रिय मानव अधिकार आयोग मधेस प्रदेश कार्यालय जनकपुरधाममा २०८१ माघ २९ गते मानव अधिकार उल्लङ्घनका घटनाहरूको बारेमा प्रदेश तहमा मानव अधिकारको क्षेत्रमा काम गर्ने अधिकारकर्मीहरूसँग अन्तरक्रिया कार्यक्रम सम्पन्न भएको छ…
कुटपिट घटनाका आरोपितहरूविरुद्ध उजुरी
विदेह नगरपालिकाका प्रमुख प्रशासकीय अधिकृत ३५ वर्षीय दिपेन्द्र कुमार शाहलाई ०८१ माघ २७ गते सोही पालिकाका नगर प्रमुख ४० वर्षीय बेचन दास र निजका २५ वर्षीय छोरा राम भजन दासले…
अपहरण, शरीर बन्धक र बलात्कार घटनाका आरोपित गिरफ्तार
१६ वर्षीया बालिकालाई अपहरण गरी शरीर बन्धक बनाई बलात्कार गरेको आरोपमा पकाहामैनपुर गाउँपालिका-१ ढोरे टोल का २० वर्षीय सल्मान देवानलाई माघ २९ गते प्रहरीले गिरफ्तार गरेको छ । पीडित बालिकालाई…
बलात्कार प्रयास घटनाका आरोपितहरूविरुद्ध उजुरी
१९ वर्षीया युवतीलाई बलात्कार प्रयास गरेको आरोपमा गौशाला नगरपालिका-६ निगौलका २० वर्षीय इब्राम नदाफ, २१ वर्षीय गुफ्रान शेख र २० वर्षीय मुन्ना शेखविरुद्ध ०८१ माघ २९ गते पीडित पक्षले जिल्ला…