इन्सेक र मानव अधिकार आयोगका प्रतिनिधिद्वारा मतदानस्थलको निरीक्षण

  ०७९ वैशाख २९ गते

अनौपचारिक क्षेत्र सेवा केन्द्र (इन्सेक) प्रतिनिधि र राष्ट्रिय मानव अधिकार आयोग बागमती प्रदेश कार्यालयबाट स्थानीय तह सदस्य निर्वाचन अनुगमनका लागि खटिएको टोलीले हेटौँडा उपमहानगरपालिका अन्तर्गतका पाँच ओटा मतदान स्थलको अनुगमन तथा पर्यवेक्षण गरेको छ ।

इन्सेकका जिल्ला प्रतिनिधि तथा निर्वाचन पर्यवेक्षक पुष्पराज अधिकारी, मानव अधिकार अधिकृत जागेश्वर चापागाईँ र लोकनाथ घिमिरेले हेटौँडा उपमहानगरपालिका वडा नम्बर ४ को भुटनदेवी मावि, वडा नम्बर ६ चौघडाको बंशगोपाल मावि, वडा नम्बर ७ नाग्श्वतीको नवज्योती मावि, वडा नं. ८ कमानेको चन्द्रोदय मावि र वडा नं. १५ नम्बर रातोमाटेमा रहेको वडा कार्यालय भवन मतदान स्थलहरूको अनुगमन गरेको हो ।

टोलीले मतदान अधिकृतहरुसंग मतदान केन्द्रको अवस्था, निर्वाचनको तयारी, सुरक्षा अवस्था लगायतका विषयमा छलफल समेत भएको थियो ।

अनुगमन टोलीले स्थानीय तह सदस्य निर्वाचनमा मानव अधिकार दृष्टिकोणबाट उम्मेदवारले स्वतन्त्र रूपमा प्रचार प्रसार तथा आवातजावतको अधिकार, मतदान केन्द्रसम्म मतदाताको पँहुचको अवस्था, मतदाता शिक्षा, निर्वाचन आचारसंहिताको पालना, अपाङ्गता, अशक्त, जेष्ठनागरिक, गर्भवती महिला लगायतका व्यक्तिहरूका लागि मतदानको समयमा प्राथमिकतामा राखिए नराखिएको विषयमा अनुगमन समेत गरेको छ ।

साथै समग्रमा निर्वाचन स्वतन्त्र, निष्पक्ष भयरहित अवस्थामा सम्पन्न भए नभएको विषयमा अनुगमन गर्ने छ ।

आयोगको अनुगमन टोलीले मतदान पश्चात मतगणना तथा विजय जुलुस ¥याली तथा सभाहरूको समेत अनुगमन गरिने जनाएको छ ।

photo1makawanpur20790129photo13makawanpur20790129photo11makawanpur20790129 photo12makawanpur20790129


पुष्पराज अधिकारी