इन्सेक र आयोगका प्रतिनिधिद्वारा यातना पीडितको अवस्थाबारे जानकारी
इन्सेक जिल्ला प्रतिनिधि र राष्ट्रिय मानव अधिकार आयोग धनुषाका प्रतिनिधिद्वारा जनकपुर अञ्चल अस्पतालमा उपचाररत यातना पीडितको अवस्थाको बारेमा असोज १६ गते जानकारी लिएको छ ।
सर्लाही प्रहरीको यातनाबाट गम्भीर घाइते भएका सर्लाही जिल्ला हरिपुर गाविस-९ का ३० वर्षीय सरोजकुमार चौधरीको जनकपुर अञ्चल अस्पतालमा उपचार भइरहेको छ ।
इन्सेक जिल्ला प्रतिनिधि विनोदकुमार रविदास, आयोगका मानव अधिकार अधिकृत सोमनाथ सुवेदी र रेवा रेग्मीले असोज १६ गते पीडितलाई भेटघाट गरी घटनाको बारेमा जानकारी लिएका हुन् ।
चौधरीलाई इलाका प्रहरी कार्यालय हरिपुर र जिल्ला प्रहरी कार्यालय सर्लाहीले तीन दिनसम्म गैर कानुनी थुनामा राखी यातना दिएको पीडितले बताए ।
०७३ असार २७ गते ७ लाख ४ सय ५५ रुपियाँको चोरी भएको घटनामा संलग्न रहेको आरोपमा चौधरीलाई असोज ११ गते इलाका प्रहरी कार्यालय हरिपुरका इन्स्पेक्टर चरित्रविक्रम कार्की नेतृत्वको टोलीले घरबाट गिरफ्तार गरेका थिए ।
चौधरीलाई इलाका प्रहरी कार्यालय हरिपुरमा राखी असोज १२ गते जिल्ला प्रहरी कार्यालय मलङ्गवामा पुर्याइएको थियो । जिल्ला प्रहरी कार्यालय मलङ्गवामा कुटपिट गरी चरम यातना दिएको पीडितको आरोप छ ।
प्लास्टीकको पाइप र मुक्काले पैताला, फिला, टाउको, कञ्चट, पिठ्यूँलगायत शरीरको विभिन्न भागमा कुटपिट गरी यातना दिएको पीडितले बताएका छन् । उनको शरीरमा निलडाम देखिएको छ ।
जिल्ला प्रहरी कार्यालय मलङ्गवाका इन्स्पेक्टर पुरुषोत्तम कार्कीले बढी कुटपिट गरेको पीडितले आरोप लगाए । कार्कीले कञ्चटमा थप्पडले हिर्काएपछि देब्रे कानले कम सुन्न थालेको पीडित चौधरीले बताए ।
चौधरीलाई अनुसन्धानको क्रममा पोलीग्राफ परीक्षण गर्दा परिणाम नाकारात्मक आएपछि असोज १३ गते साँझ चौधरीकी पत्नी अञ्जनाकुमारी धामीको रोहवरमा रिहा गरिएको पीडितले बताए ।
चौधरीको उपचार असोज १४ गतेदेखि जनकपुर अञ्चल अस्पतालमा भइरहेको छ । पीडितले प्रहरीको धम्की दिएको भन्दै न्याय दिनको लागि मानव अधिकारकर्मीहरूलाई आग्रह गरेका छन् ।
विनोदकुमार रविदास
सम्बन्धित समाचारहरू
हत्या घटनाका आरोपित नन्देभाइ गिरफ्तार
माडी नपा-७ देवेन्द्रपुरकी ७१ वर्षीया विष्णुमाया रानाभाटलाई खुर्पा प्रहार गरी हत्या गरेको आरोपमा प्रहरीले माडी नपा-७ का ६२ वर्षीय नन्देभाइ (नन्दका पति) टीकाराम रानाभाटलाई असोज २६ गते गिरफ्तार गरेको छ…
बलात्कार घटनाका आरोपित गिरफ्तार
अपाङ्गता हुनुभएकी १९ वर्षीया युवतीलाई बलात्कार गरेको आरोपमा चामुण्डाबिन्द्रासैनी नगरपालिका–५, जम्बुकाँधका २१ वर्षीय रमेश सावदलाई प्रहरीले ०८१ असोज २७ गते गिरफ्तार गरेको छ । पीडित युवतीलाई आरोपितले असोज २३ गते…
कोशी प्रदेशमा रहेका अधिकांश बर्थिङ्ग सेण्टर प्रभावकारी छैनन्
बर्थिङ्ग सेण्टर सञ्चालनका लागि प्रसूति गर्ने तालिम प्राप्त कर्मचारीलाई आवासीय व्यवस्थादेखि उपकरणहरु सबै उपलब्ध हुनु पर्छ । तर, कोशी प्रदेशका विभिन्न जिल्लामा रहेका बर्थिङ्ग सेण्टर सुविधा सम्पन्न र प्रभावकारी नभएको…
ज्येष्ठ नागरिकहरू सामाजिक सुरक्षा भत्ताबाट वञ्चित
स्थानीय सरकार सञ्चालन ऐन, २०७४ मा ज्येष्ठ नागरिकहरूको सहारा र गरिबी निवारणका लागि सामाजिक सुरक्षा र गरिबी निवारण सम्बन्धी स्थानीय सामाजिक सुरक्षा योजना र व्यवस्थापनको सुनिश्चित गरिएको छ । तर,…
कोशी प्रदेशका कारागारमा क्षमताभन्दा बढी कैदीबन्दी, सुधारगृह हुन सकेनन् कारागार
अदालत वा न्याय निरूपण गर्ने निकायबाट कसुरदार ठहर भएका व्यक्तिहरूलाई सजायसँगै सुधारका लागि राज्यले कारागारलाई सुधारगृह भनेपनि कोशी प्रदेशका अधिकांश जिल्लाका कारागार सुधारगृहका रूपमा रूपान्तरण हुन सकेका छैनन् । कारागारमा…
