समाचारहरू

इन्सेक मधेस प्रदेश कार्यालयका संयोजक राजु पासवान, जिल्ला प्रतिनिधि दुर्गा परियार, फोकल पर्सन बरुण बस्याल र ओरेककी संयोजक अनिता चौधरीले जिल्ला प्रहरी कार्यालय सिरहामा रहेको प्रहरी हिरासतको अनुगमन असार २९ गते गरेको छ ।

जिल्ला प्रहरी कार्यालयमा एक महिला हिरासत कक्ष, एक तेश्रो लिङ्गि हिरासत कक्ष र तीन ओटा पुरुष हिरासत कक्ष रहेको इन्सपेक्टर प्रदिप पौडेलले बताउनु भयो । थुनुवाहरूलाई बिहान र राती गरी दुई पटक खाना दिने गरेको र बाहिर खुल्ला रहेकोले दिउसो बिहान मिलाएर बाहिर राखि घुम्न निकाल्ने गरेको बताउनु भयो । हिरासत कक्षमा सिसिटिभि राखेर २४ घण्टै निगरानी गरीने र कोठा भित्रै शौचालय रहेकोले र शौचालयहरूमा झुण्डिएर आत्महत्या गर्न सक्ने भएकोले आधा ढोका मात्र भएको इन्सपेक्टर पौडेलले बताउनु भयो ।

बाहिर टिभी, पंखा राखेको देशकै उत्कृषट हिरासत भएको जिल्ला प्रहरी कार्यालयका डिएसपी रबिन्द्रराज पाण्डेले बताउनु भयो । बातावरण मैत्री, सुरक्षित र व्यवस्थित भएको यएतिको कारागार नेपालमा कमै रहेको बताउनु भयो । थुनामा रहेका थुनुवाहरूले हिरासतमा राम्रो व्यवहार गर्ने गरेको कुटपिट तथा यातना नदिने गरेको बताउनु भयो ।

अनुगमनको क्रममा अनुगमन टोलीले सुझाव सहित तेश्रो लिङ्गिको सट्टा यौनिक तथा अल्पसंख्यक नामाकरण गर्न सुझाव दिइएको थियो ।

दुर्गा परियार