इन्सेक प्रतिनिधि सम्मानित

  ०७९ फागुन १५ गते

इन्सेक खोटाङ प्रतिनिधि तारानाथ फुयल सम्मानित हुनु भएको छ ।

जिल्लामा मानव अधिकारसँगै खाद्य अधिकारका सवाल क्षेत्रमा उल्लेखनीय योगदान गरेको भन्दै उद्योग वाणिज्य सङ्घ खोटाङले २५ औँ साधारणसभा तथा ११ औँ अधिवेशनमा सम्मान गरेको हो ।

Photo 20230225 Khotang

मानव अधिकार संरक्षण र प्रवद्र्धन तथा खाद्य अधिकारको क्षेत्रमा विशेष योगदान पुर्‍याए बापत फुयललाई सम्मान गरिएको उद्योग वाणिज्य सङ्घका अध्यक्ष उपिनकुमार राईले बताउनु भयो ।

प्रतिनिधि सभा सदस्य रामकुमार राईले इन्सेक खोटाङले मानव अधिकार अभिलेखमा अनुकरणीय कार्य गरेको र पीडितको न्यायका लागि सहयोग गर्दै आउनु बताउनु भयो ।

इन्सेकको अभिलेखका कारण पीडितलाई न्याय दिलाउन सहयोग पुगेको भन्दै दिक्तेल रूपाकोट मझुवागढी नगरपालिकाका मेयर तिर्थराज भट्टराईले इन्सेकको प्रशंसा गर्नु भएको छ ।

जिल्लामा खाद्य सुरक्षा तथा उपभोक्ताको अधिकारमा इन्सेक प्रतिनिधि फुयल अग्रभागमा रहेर क्रियाशील भएकाले वाणिज्य सङ्घले सम्मान गरेको सङ्घका महासचिव मनोजकुमार वजिमयले बताउनु भयो ।

प्रमुख जिल्ला अधिकारी सूर्यप्रसाद सेडाइले विकास र मानव अधिकारको रक्षाको लागि इन्सेकको भूमिका महत्वपूर्ण भएको बताउनु भएको छ ।

खोटाङ उद्योग वाणिज्य सङ्घको २५ औँ साधारणसभा तथा ११ औँ अधिवेशनका अवसरमा इन्सेक खोटाङ प्रतिनिधिलाई ०७९ फागुन १३ गते सम्मान गरिएको छ ।

Photo 20230225 Khotangg


इन्सेक प्रदेश १ कार्यालय, विराटनगर