समाचारहरू

अनौपचारिक क्षेत्र सेवा केन्द्र -इन्सेक), समुदायिक सेवा केन्द्र, ओसिएसमी, जिल्ला प्रहरी कार्यालय र आसमान नेपालले मङ्सिर १४ गते राजविराजमा विद्यार्थीहरुसँग सचेतना कक्षा सञ्चालन गरेको छ ।

राजविराजस्थित प्राइम होलिक्रम एकेडेमीका विद्यार्थीहरुलाई सचेतना कक्षा लिँदै उनीहरुलाई अपराध, लैङ्गिक हिंसाको अवस्था, दण्डसजायको व्यवस्था, १६ दिने अभियानको पृष्ठभूमिका बारेमा प्रशिक्षण कक्षा सञ्चालन गरिएको छ ।

विगतको तुलनामा चेतनास्तर बढेको र हिंसाका घटनाको उजुरी समेत बढेको बताउनु हुँदै जिल्ला प्रहरी कार्यालयका एसपी अविनारायण काफ्लेले विभिन्न अपराधमा हुने दण्डसजायबारे जानकारी दिनु भयो ।

लैङ्गकि हिंसा अन्त्यको सुरुवात आफैबाट गर्नुपर्ने भन्नुहुँदै एसपी काफ्लेले असल व्यक्तित्व बन्न लैङ्गकिमैत्री व्यवहार अनुशरण गर्नुपर्ने र पढाइमा ध्यान दिनुपर्नेमा जोड दिनु भयो ।

सहजीकरणको भूमिका निर्वाह गर्नुहुँदै इन्सेक प्रतिनिधि मनोहर पोखरेलले विद्यार्थीहरुलाई हिंसा नगर्ने, हिंसाको उपेक्षा नगर्ने तथा हिंसाका घटनामा मौन नबस्ने प्रतिवद्धता व्यक्त गर्न लगाउनु भयो ।

सचेत विद्यार्थीहरुले हिंसा अन्त्य र समतामूलक समाज निर्माणमा महत्वपपूर्ण भूमिका निर्वाह गर्न सक्ने पोखरेलले बताउनु भयो ।

गजेन्द्रनारायण सिंह अस्पताल राजविराजमा सञ्चालित ओसिएमसीकी नर्स मनिषा सिम्खडाले आफू हिंसामा परेको जानकारी हुँदाहुँदै पनि महिलाहरूले बाध्य भएर हिंसा सहेर बस्नु पर्ने अवस्था कायम रहेको बताउनु भयो ।

कतिपय महिलालाई आफू हिंसामा परेपनि कसरी न्याय पाउँछु भन्ने बारेमा जानकारी समेत नभएको भन्दै ओसिएमसीले दिने सेवासुविधाबारे जानकारी दिनु भयो ।

मङ्सिर २५ गतेसम्म राजविराजमा गोष्ठि, अन्तरक्रिया, र्‍याली, सचेतना कार्यक्रम गरेर १६ दिने अभियान मनाउने क्रममा विश्व एड्स दिवसको अवसरमा मङ्सिर १५ गते विहान स्थानीय महादेव मन्दिरबाट र्‍याली र राजविराज नगरपालिकामा अन्तरक्रिया कार्यक्रम गरिने सहयोगी समाजका रामप्रकाश चौधरीले जानकारी  दिनु भयो ।

प्रत्येक वर्षनोभेम्बर २५ देखि डिसेम्बर १० सम्म लैङ्गकि हिंसाविरुद्धको १६ दिने अभियान सञ्चालन गर्ने गरिएको छ ।

लैङ्गिक हिंसा अन्त्यको कामना गर्दै मैनबत्ती प्रज्ज्वलन

इन्सेक, महिला मानव अधिकार रक्षक सञ्जाल, सामुदायिक सेवा केन्द्र, सहयोगी समाज, राजविराज नगरपालिका र जिल्ला प्रहरी कार्यालयलगायतले लैङ्गकि हिंसा अन्त्यको कामना गर्दै मङ्सिर १३ राजविराजमा मैनवत्ती प्रज्वलन गरेका छन् ।

"सभ्य समाजको पहिचान, लैङ्गिक हिंसा विरुद्धको अभियान" भन्ने नाराका साथ सुरु भएको लैङ्गकि हिंसाविरुद्धको १६ दिने अभियानअर्न्तर्गत राजविराजस्थित गजेन्द्र चोकमा मैनबत्ती प्रज्वलन कार्यक्रम गरिएको हो ।

मैनबत्ती प्रज्वलन पश्चात सभालाई सम्बोधन गर्दै राजविराज नगरपालिकाका कार्यवाहक प्रमुख इसरत परविनले लैङ्गकि हिंसालाई मानवता विरुद्धको अपराध मानिएकाले यसको अन्त्यका लागि स्थानीय सरकारले विभिन्न अभियान सञ्चालन गर्ने बताउनु भयो ।

इन्सेक प्रतिनिधि मनोहरकुमार पोखरेलले सबै खाले हिंसा अन्त्यका लागि सबै जना एक हुनु पर्ने र अभियानलाई र्सार्थक र प्रभावकारी बनाउनु पर्ने बताउनु भयो ।

एकल महिला समूहकी प्रदेश अध्यक्ष अनीता देवकोटाले अभियानले पीडितहरू न्याय पाउन आउने गरेको बताउनु भयो ।

अभियानलाई वर्षौ भरी नै गर्ने लक्ष्य रहेकोले सबैको सहयोग र पहलले हिंसा मुक्त समाज बनाउन सकिने उहाँको भनाई रहृयो ।

प्रत्येक वर्षनोभेम्बर २५ देखि डिसेम्बर १० सम्म लैङ्गकि हिंसाविरुद्धको १६ दिने अभियान सञ्चालन गर्ने गरिएको छ । सन् १९६० मा डोमिनिकन गणतन्त्रका मिरावेल परिवारका तीन जना दिदीबहिनीलाई तत्कालीन त्रुजिलो तानाशाही सरकारले निर्मम हत्या गरेको थियो ।

उक्त हत्यालाई लिङ्गका आधारमा हुने राजनीतिक हिंसाको रूपमा लिने गरिन्छ । एकै परिवारका तीन जना दिदीबहिनी पेटि्रया, मिनर्भा र मारियाको हत्यालाई महिलाविरुद्धको हिंसाको रूपमा लिएर उनीहरूको सम्मान र सम्झनाका लागि १६ दिने अभियान मनाउन थालिएको हो ।

मङ्सिर २५ गतेसम्म राजविराजमा गोष्ठि, अन्तरक्रिया, र्‍याली, सचेतना कार्यक्रम गरेर १६ दिने अभियान मनाउन लागिएको मूल समारोह समितिका सदस्य एवम् सामुदायिक सेवा केन्द्रका सचिव संजय शर्माले बताउनु भयो ।

मनोहरकुमार पोखरेल