समाचारहरू

दिक्तेल रूपाकोट मझुवागढी नगरपालिका–२ मा सञ्चालित शुभद्रा मदन फाउण्डेशन(शुभम्) को इन्सेकले वैशाख २९ गते स्थलगत अनुगमन गरेको छ ।

शुभम् फाउण्डेशनमा रहेका बालबालिकलाई यौन दुर्व्यवहार गरेको आरोपमा शुभम् सञ्चालक साकेला गाउँपालिका–२ रतन्छाका ७५ वर्षीय मदन राईलाई प्रहरीले अनुसन्धानका लागि वैशाख २९ गते गिरफ्तार गरे लगत्तै इन्सेकले फाउण्डेशनको स्थलगत अनुगमन गरेको हो ।

इन्सेक खोटाङ प्रतिनिधि तारानाथ फुयल र राष्ट्रिय मानव अधिकार आयोश शाखा कार्यालय, खोटाङ प्रमुख गीता दाहालको टोलीले शुभमको स्थलगत अवलोकन गरेको हो ।

शुभमका सञ्चालक यौन दुर्व्यवहार आरोपमा अनुसन्धानका लागि गिरफ्तारीमा परेपछि बालबालिकासँग भेट गरी घटनाका विषयमा जानकारी लिइएको छ ।

आठ वर्षदेखि माथिका बालबालिकालाई जीवनपयोगी शिक्षाका नाममा फाउण्डेशनभित्र कृषि काममा लगाउने अवस्था रहेको इन्सेक खोटाङ प्रतिनिधिको भनाइ छ ।

तारानाथ फुयल