इन्सेकद्वारा मकवानपुर र चितवनका मतदान केन्द्रमा पर्यवेक्षण तथा अनुगमन

  ०७९ मङ्सिर ४ गते

मङ्सिर ४ गते भएको प्रतिनिधीसभा र प्रदेशसभा निर्वाचनमा इन्सेक बागमती प्रदेश कार्यालयले मकवानपुर र चितवन जिल्लाका मतदान केन्द्रहरूमा भएको मतदान कार्यको पर्यवेक्षण तथा अनुगमन गरेको छ ।

इन्सेक बागमती प्रदेश प्रमुख गणेश भण्डारी, जिल्ला प्रतिनिधि पुष्पराज अधिकारी र पर्यवेक्षक विनोद ढकालको टोलिले मकवानपुर र चितवनका जम्मा सात ओटा मतदान स्थलका ३० ओटा मतदान केन्द्रमा भएको निर्वाचन कार्यको पर्यवेक्षण गरेको हो ।

20221120_131923

टोलिले मकवानपुरको दुई ओटै प्रतिनिधि सभा क्षेत्र अन्तर्गतका मतदान केन्द्र र चितवनको प्रतिनिधि सभा १ का मतदान स्थलको मतदान केन्द्रहरुमा भएको मतदान कार्यको पर्यवेक्षण गरेको हो ।

टोलिले मकवानपुरको प्रतिनिधीसभा क्षेत्र १ अन्तर्गत हेटौँडा उपमहनगरपालिका–६ को बंशगोपाल मावि, ७ को नवज्योति मावि, क्षेत्र २ अन्तर्गतको हेटौँडा वडा नं. १९ को निर्मल मावि, मनहरी गाउँपालिकाको ऋषेश्वर बालजागृत आधारभुत विद्यालय, राष्ट्रिय रोटरी मावि र चितवनको राप्ती नगरपालिका–१ को राष्ट्रिय मावि महादेवटार र बुद्ध शान्ति मावि मतदान केन्द्रमा भएको मतदान कार्यको प्रयेवेक्षण तथा अनुगमन गरेको हो ।

पर्यवेक्षणका क्रममा सबै स्थानहरूमा शान्त वातावरणमा मतदाताहरू मतदान प्रकृयामा सहभागी भएको पाइएको इन्सेक बागमती प्रदेश संयोजक गणेश भण्डारीले बताउनुभयो ।

20221120_142607

मतदान केन्द्रमा मतदातालाई लाईनबाट मतपेटिकासम्म पुग्न सहज हुने गरी केन्द्रको व्यवस्थापन मिलाएको तथा वृद्ध, अशक्त अपाङ्ग भएका व्यक्तिलाई सजिलै मतदान गर्न पाउने गरी व्यवस्था भएको पाइएको उहाँले बताउनुभयो ।

अनुगमनका क्रममा गएको स्थानीय तहको चुनाबमा भन्दा कम मात्र मत खसेको मतदान अधिकृतहरूले बताएका छन् । साथै एकै मतदान स्थलमा नौ ओटासम्म मतदान केन्द्र हुँदा मतपेटिका व्यवस्थापनमा समस्या भएको, मतदाताको भिडभाड बढी हुने गरेको तथा मतदाता पनि अलमलमा पर्ने गरेको बताउनु भयो ।

निर्वाचन प्रकृयामा संलग्न मतदान अधिकृत गोपालप्रसाद शर्माका अनुसार एउटा मतदान स्थलमा चार ओटा भन्दा बढी मतदान केन्द्र नराख्न निर्वाचन आयोगलाई सुझाव दिन आग्रह समेत गर्नु भएको थियो ।

चार ओटा भन्दा बढी मतदान केन्द्र एउटै मतदान स्थलमा नराखि अन्यत्र वैकल्पिक मतदान केन्द्रको व्यस्था गर्नु पर्ने  हेटौँडा उपमहानगरपालिका   ४ भुटनदेवी मावि ग मतदान केन्द्रका अधिकृत अमर अधिकारीले बताउनु भयो ।

20221120_115613 20221120_115635 20221120_131359   FB_IMG_1668922160049 FB_IMG_1668937522193 IMG-2b7a7a2e2cac941bec998ed09b8f9160-V IMG-97c2962e5d1c5bdf2203ccdb9db10a10-V IMG-404d6582c34daf8c87ed670a8db8b602-V IMG-717e2921b1a967f80f32043f5973478d-V IMG-863f6f0c2bbd39e9be4ca710170f0b3d-V IMG-30379a11455c940e715f45fcfea6d71a-V IMG-20221120-WA0003 IMG-e00c8f4a2028d5ac29e9346c1a24179f-V


पुष्पराज अधिकारी