समाचारहरू

इन्सेकद्वारा गठित पञ्चपुरी गाउँपालिका–५ स्थित विद्याज्योति सहनशील बाल अधिकार समूह र पञ्चपुरी मानव अधिकार समूहको पहल तथा समन्वयमा आवाज संस्थाको सहयोगमा फागुन १२ गते  विद्याज्योति माध्यामिक विद्यालयमा कक्षा १२ अध्ययनरत १८ वर्षीया गिता श्रेष्ठलाई  शैक्षिक सामग्री सहयोग गरिएको छ ।

अभिभावकविहिन श्रेष्ठको घरमा १५ वर्षीय भाइ मात्रै छन् । घरको आर्थिक अवस्था कमजोर भएकोले पढाइलाई निरन्तरता दिनका लागि २ हजार ९ सय ९० रुपियाँ बराबरको कापी, कलम, विद्यालय ड्रेस लगायतका सामग्री सहयोग गरिएको हो ।

उक्त सामग्री बाल अधिकार समूहका पदाधिकारी, मानव अधिकार रक्षक समूहका पदाधिकारी र आवाज संस्थाका बाल हेल्पलाईन सहजकर्ता तुलसी खनालको उपस्थितिमा हस्तान्तरण गरिएको हो । यो सहयोगले शैक्षिक अध्ययन विकासमा महत्वपूर्ण भूमिका रहने सहजकर्ता खनालले बताउनुभयो ।

पञ्चपुरी मानव अधिकार समूहले सहयोगका लागि पुस १८ गते इन्सेक कर्णाली प्रदेश कार्यालयमा अनुरोध गरेको थियो ।

जगतदल जनाला विक