इन्सेकको पहलमा बालविवाह रोकियो

  ०७३ पुस ८ गते

१५ वर्षीया बालिका र सुनसरी अर्नामा गाविसका २० वर्षीय मो. आरिफ मन्सुरीबिच हुन लागेको बालविवाह इन्सेक र महिला तथा बालबालिका सेवा केन्द्रको पहलमा पुस ८ गते रोकिएको छ ।

कक्षा ७ मा अध्ययनरत बालिकाको विवाह पुस १४ गते निश्चित भएको भन्ने जानकारी पुस ७ गते प्राप्त भएपछि जिल्ला प्रहरी कार्यालयको सहयोगमा बालिका र निजकी आमालाई पुस ८ गते प्रहरी कार्यालयमा ल्याइएको थियो ।

बालिका र उनका परिवारका सदस्यहरूलाई बालविवाहले पार्ने असर र कानुनी प्रावधानबारे जानकारी दिँदै मनोविमर्श गरेपछि उनीहरू विवाह स्थगित गर्ने निष्कर्षमा पुगेको जिल्ला प्रहरी कार्यालयका डिएसपी दानबहादुर कार्कीले बताए ।

बालिकासँग विवाह गर्न तयार युवकलाई जिल्ला प्रहरी कार्यालय झिकाइएको र उनी नआउन्जेल सम्मका लागि बालिकाकी आमालाई दैनिक हाजिरमा राखिएको डिएसपी कार्कीले जानकारी दिए ।


मनोहरकुमार पोखरेल