समाचारहरू

तनहुँ कारागारमा रहेका दुई जना बालिकालाई इन्सेकको पहलमा स्टेशनरी, पोशाक तथा फलफुल उपलब्ध गराइएको छ ।

इन्सेक गण्डकी प्रदेश कार्यालयले चैत २४ गते गरेको कारागार अनुगमनको क्रममा विभिन्न मुद्दामा आमा कारागारमा थुनामा परेपछि एक जना साढे तिन वर्षीया र एक जना एक वर्षीया बालिका आमासँगै कारागामा बस्दै आएकोमा बालिकाहरूको उचित पोषण तथा लत्ताकपडाको अभाव देखिएको थियो ।

सोही अनुरूप इन्सेको पहलमा वैशाख १४ गते इन्सेक जिल्ला प्रतिनिधि प्रकाशचन्द्र भट्टराई र महिला मानवअधिकार रक्षक सञ्जालकी उपाध्यक्ष बसुन्धरा घर्ती र सदस्य मन्जु न्यौपानेले कारागारका निमित्त प्रमुख नारायण अधिकारी मार्फत उक्त सामाग्री ति बालिकाहरूलाई उपलब्ध गराउनुभएको थियो ।

बालिकाहरु मध्ये साढे तिन वर्षीया बालिका विद्यालय जाने उमेरकी भएको हुँदा उनलाई पढ्ने बानीको विकास गर्न स्टेशनरी उपलब्ध गराइएको महिला मानवअधिकार रक्षक सञ्जाल तनहुँकी उपाध्यक्ष घर्तीले बताउनु भयो ।

कारागारका निमित्त प्रमुख अधिकारीले बालिकाहरूलाई स्टेशनरी, पोशाक तथा फलफुल उपलब्ध गारएकोमा इन्सेक र महिला मानवअधिकार रक्षक सन्जाललाई धन्यवाद दिनु भयो । उहाँले अव उक्त बालिकालाई कारागार भित्र पढाउने वातावरण बनाउने बताउनु भयो ।

प्रकाशचन्द्र भट्टराई