समाचारहरू

अनौपचारिक क्षेत्र सेवा केन्द्र (इन्सेक) द्वारा मानव अधिकार संरक्षन र सम्बर्द्धनका लागि राज्यको जवाफदेहिता तथा जनताको सहभागिता अभिवृद्धि कार्यक्रमको इन्सेक अध्यक्ष डाक्टर इन्दिरा श्रेष्ठले ०७९ जेठ १२ गते अनुगमन गर्नु भएको छ ।

अध्यक्ष श्रेष्ठले कुटिडाडा मावि, मकैबारीको बाल अधिकार चेतना समूह, शिक्षकहरूसँग सामुदायिक विद्यालयमा निशुल्क र अनिवार्य शिक्षामा रहेको सफल अभ्यास र सुधार गर्नुपर्ने पक्ष, विद्यालयमा शैक्षिक गुणस्तरको अवस्थाका बारेमा छलफल भयो ।

अन्तर्किया कार्यक्रममा शिक्षक तथा चेतना समूहले सामुदायिक विद्यालयमा सरकारको कम ध्यान गयकोले गुणस्तर कायम गर्न कठिनाई रहेको बताए ।

सो कार्यक्रममा इन्सेक अध्यक्ष श्रेष्ठले मौलिक हकमा भएको व्यवस्था अनुसार विद्यार्थीले उपभोग गर्न पाउनुपर्ने बताउनु भयो । साथै अध्यक्ष श्रेष्ठले बाल अधिकार चेतना समूहले विद्यार्थीका सवाल उठाउनु उनिहरूको अधिकार भयको र त्यसलाई पूरा गर्नु राज्यको र सरोकार पक्षको जिम्मेवारी रहेको बताउनु भयो ।

सोही अनुगमनका क्रममा अध्यक्ष श्रेष्ठले जिल्लामा शिक्षा, स्वास्थ, खाध्य र आवासको अवस्थाको बारेमा भीमेश्वर नगरपालिकाको उपप्रमुख कमला बस्नेत र कालिन्चोक गाउँपालिकाको निवर्तमान उपाध्यक्ष कालिका पाठकसँग छलफल गर्नुभयो ।

छलफलका क्रममा सहभागीहरूले संविधानमा भएको यवस्था अनुरुप  मौलिक हकको कार्यान्वयन हुन नसकेको बताए भने इन्सेक अध्यक्ष श्रेष्ठले मौलिक हकको कार्यान्वयन गरी नागरिकले त्यसको अनुभुति गर्न पाउनु पर्ने बताउनु भयो ।

अनुगमन कार्यक्रममा इन्सेक बागमती प्रदेश सम्योजक कृष्ण गौतम र इन्सेक केन्द्रीय कार्यलयका मानव अधिकार शिक्षा विभाग प्रमुख मदन पौडेलको समेत सहभागिता रहेको थियो ।

उद्धव पोखरेल