समाचारहरू

बाल कल्याण समिति भक्तपुरले माघ १७ गते महानगरीय प्रहरी परिसर भक्तपुरको सहयोगमा भक्तपुरको दुई ओटा इँटा भट्टामा काम गर्दै आएका आठ जना बाल श्रमिकको उद्धार गरेको छ ।

समितिले चागुँनारायण नपा-१७ झौखेलस्थित माता चिम्नी इँटा उद्योग र नगरकोट नपा-४ सुडालस्थित महेश्वरी इँटा उद्योगमा कार्यरत बाल श्रमिकको उद्धार गरेको महानगरीय प्रहरी परिसर भक्तपुरका इन्स्पेक्टर दिलबहादुर सुवेदीले जानकारी दिए ।

इँटा भट्टामा बाल श्रमिकको रूपमा काम गर्दै आएका रोल्पा गैरीगाउँ-५ का १४ वर्षीय दिपक डाँगी, रोल्पा हारजग-५ का १३ वर्षीय शङ्कर बिक र दाङ पुनरधारा-९ का १३ वर्षीय विशाल थापाको उद्धार गरिएको हो ।

त्यसैगरी सल्यान हिड्गौर लक्ष्मीपुर-९ का १३ वर्षीय ललित कुँवर, १३ वर्षीय पूर्णबहादुर कुँवर, जयतपानी-२ मनडाँडाका १३ वर्षीय मनबहादुर कुँवर, र माझडाँडा ५ का १४ वर्षीय चन्द्रबहादुर बिक, माझडाँडा-५ कै  १४ वर्षीय हरि पुनको उद्धार गरिएको इन्स्पेक्टर सुवेदीले बताए ।

उद्धार गरिएका बालश्रमिकको परिवारमा पुनर्मिलन तथा पुनःस्थापनाका लागि एक गैरसरकारी संस्थाको जिम्मा लगाइएको उनले बताए ।

सविना केसी