आयोगद्वारा आर्थिक, सामाजिक तथा सांस्कृतिक र विकासको अधिकारको अनुगमन

 

राष्ट्रिय मानव अधिकार आयोग उपक्षेत्रीय कार्यालय खोटाङको टोलीले फागुन ११ गतेदेखि सोलुखुम्बु जिल्लामा आर्थिक, सामाजिक, सांस्कृतिक र विकासको अधिकारको विषयमा अनुगमन गरेको छ ।

उपक्षेत्रीय कार्यालय खोटाङका निमित्त प्रमुख अम्बिका घिमिरे र लोकनाथ घिमिरेसहितको टोलीले सोलुखुम्बु जिल्लाका नागरिकहरूको आर्थिक, सामाजिक तथा सांस्कृतिक अवस्था एवम् विकासको अधिकारमा नागरिकको पहुँचलगायतका विषयमा सरोकारवाला निकायसँग छलफल गरेको हो ।

अनुगमनको क्रममा सरकारी कार्यालयबाट प्रदान हुने सेवालाई प्रभावकारी बनाउन आयोगले सम्बन्धित निकायको ध्यानाकर्षण गराएको अनुगमन टोली संयोजक अम्बिका घिमिरेले बताईन् ।

आयोगको टोलीले जिल्ला अस्पताल, जिल्ला विकास समिति, जिल्ला प्रहरी कार्यालयलगायतका निकायले प्रदान गरेका सेवा सुविधा र गुणस्तरका बारेमा छलफल गरी उक्त विषयलाई प्रभावकारी रूपमा कार्यान्वयन गर्न प्रमुख जिल्ला अधिकारीलाई ध्यानाकर्षण गराएको थियो ।


पासाङ बम्जन तामाङ