समाचारहरू

आर्युर्वेद स्वास्थ्य केन्द्र, जुम्लामा पाँच महिनादेखि कार्यालय प्रमुख नुहँदा काम काज प्रभावित भएको छ । कार्यालय प्रमुख देवेन्द्र ठाकुर ०७८ पुस ६ गते जिल्ला बाहिर गएपछि अर्को कार्यालय प्रमुख नआउदा काम ठप्प भएका छन् ।

प्रमुख ठाकुर ०७८ पुसदेखि जाजरकोटको रमाना लिएर गएपछि अर्को प्रमुख नआउदा आर्थिक कारोेवार सबै बन्द भएको हो । कार्यालय प्रमुख नहँुदा खरिद भएका औषधि, प्रयोगशालाका सामग्री, फर्निचर खरिदको भुक्तानी हुन सकेको छैन् । पहिला खरिद गरेको औषधि सकिएको छ । अहिले औषधि शुन्य अवस्थामा छ ।

स्वास्थ्य केन्द्रका वैद्य गोर्खबहादुर रावतले लामो समयदेखि कार्यालय प्रमुख नहुँदा करारका कर्मचारीले पाँच महिनादेखि तलब खान नसकेको जानकारी दिनु भएको छ । अहिले आफू कार्यालय प्रमुख पठाईदिन भन्दै कर्णाली प्रदेशको राजधानी सुर्खेतमा आएको तर काम ढिलाई भएको उहाँले बताउनु भयो ।

सामाजिक विकास मन्त्रालय सहितका सरोकारवाला निकायमा कार्यालय प्रमुखको व्यवस्थाका लागि धाउदै हैरान भएपनि प्रमुख नपठाउदा आयूर्वेदका कार्यसम्पादन प्रभावित भएका छन् । उपचार गर्न आएका सेवाग्राही औषधि तथा आवश्यक सामग्री नहुँदा फर्किने गरेका छन् ।

आर्युर्वेदलाई आवश्यक फर्निचर खरिद, ल्यावका सामग्री खरिद, औषधि खरिदको भुक्तानी समेत हुन नसक्दा पूँजीगत बित्तिय प्रगति शुन्य भएको छ । कार्यालय प्रमुख नहुँदा ५ लाख डिपिआर र २० लाख कार्यालय मर्मत गर्ने रुपियाँ मुस्किलले आएको थियो । त्यो काम पनि हुन नसकेर बजेट फ्रिज जाने देखिएको छ ।

आर्युर्वेदको अवस्थाका बिषयमा मन्त्रालयले खासै प्राथमिकता दिन नसक्दा जुम्लामा एक मात्र रहेको आयूर्वेद अस्पताल धरापमा पर्ने सम्भावना रहेको छ । १० महिना कटिसक्दा कार्यालयको पूँजीगत काम मर्मत सम्भार, डिपिआर निर्माण तथा मर्मत, औषधि खरिद, नागरिक आरोग्य केन्द्र स्थापनाका काम हुन सकेका छैनन् । डिपिआर तथा मर्मतको काम अब यो बर्ष फ्रिज हुने देखिन्छ ।

आर्युर्वेदका वैद्य गोर्खबहादुर रावतका अनुसार आफूलाई मन्त्रालयले एउटा पत्र दिएको थियो । सो पत्रमा तलब, भत्ता, पोषाक, घरभाडा, बत्ति, बिजुली महशुल शिर्षक खर्च गर्नका लागि पत्र प्राप्त भएको छ । तर त्यस पत्रले करारका कर्मचारीले तलव नपाउने भएकाले समस्या भएको छ । अर्को अन्य कामहरू केही पनि गर्न नसकिने रहेको छ । यस अस्पतालमा स्थायी दुई जना र करार १३ जना कर्मचारी रहेका छन् ।

औषधि नहुँदा फर्किन्छन, सेवाग्राही
जुम्लाको आर्युर्वेद स्वास्थ्य केन्द्रमा सेवाग्राही भने धेरै आउछन् । दैनिक २५ देखि ३० जना सेवाग्राही आउछन् तर औषधि अभावले समस्या भएको छ । खातामा पैसा छ तर औषधि खरिद गर्ने काम नबढाएपछि सेवाग्राही औषधि लिनबाट समेत बञ्चित भएका छन् । अहिले त औषधि छैन भन्ने थाहा पाएपछि सेवाग्राही घटन थालेका छन् ।

गत आर्थिक बर्षमा पनि कार्यालय प्रमुखकै कारण काम गर्न नसकेर १२ लाख रुपियाँ फ्रिज भएको थियो । आयूर्वेद स्वास्थ्य केन्द्र धरापमा परेकोमा स्थानीयको चिन्ता बढेको छ । स्थानीय अगुवा राजुशरण न्यौपानेले ठूलो उद्देश्यका साथ स्थापना गरिएको संस्थामा भएका कर्मचारीले काम नगर्नु र राज्यले पनि यसको स्तरबृद्धिमा ध्यान नदिएको गुनासो गर्नुभयो ।

सामाजिक विकास मन्त्रालयका आयूर्वेद चिकित्सक लक्ष्मी नारायण तिवारीका अनुसार समस्या सामाधानका लागि चाडै पहल गर्न सचिव समक्ष समस्या पु¥याईने र चाडै समस्या सामाधान हुने बताउनु भयो । प्रमुख जिल्ला अधिकारी बिजया कुमारी प्रसाईका अनुसार आयूर्वेद अस्पताल पहिलादेखिको अस्तव्यस्त भएको हुँदा प्रदेश सरकार समक्ष पहल भएको जानकारी दिनु भएको छ ।

मानदत्त रावल