समाचारहरू

झोलामा कापी–कलम बोकेर स्कूल जाने उमेरकी चार वर्षीया बालिका यतिबेला पर्वत जिल्ला कारागारको चिसो छिडीमा आमासँगै थुनामा रहेकी छिन् ।

बालिकाकी आमा ०८१ असोज ७ गतेदेखि लागु औषध बेचबिखन मुद्दाको सुनुवाइको क्रममा पुर्पक्षका लागि थुनामा रहेका कारण बालिका पनि कारागामा बस्दै आएकी छिन् ।

यसरी आमा थुनामा परेपछि यी अबोध बालिकाले आमाले सजाय पाउँदा वा पूर्पक्षमा रहँदा आफैँ सजाय भोग्दै आएकी हुन् । मकवानपुर जिल्लामा स्थायी ठेगाना भएकी यी बालिकालाई हाल बसोबास गरेको स्थानमा हेरचाह गर्ने कोही नभएका कारण आफूले सँगै राख्दै आएको उनकी आमाले बताइन् ।

घरमा बालिकाको हेरचाह र संरक्षण गर्ने व्यक्ति नभएका कारण आमाले आफूसँगै राख्दै आएको पर्वत जिल्ला कारागारका सूचना अधिकारी महेन्द्र रेग्मीले बताउनु भयो ।

सन्तोष थापा