समाचारहरू

नेकपा एमालेको मेची महाकाली अभियानलाई अवरोध गर्न लम्की-टिकापुर सडकखण्डमा पर्ने दुर्गौली बजार र पठरैया गाँउमा एमालेद्वारा बनाइएको स्वागतद्वार थरुहटका आन्दोलनकारीले चैत १ गते राति जलाएका छन् ।

जातीय एवम् सामाजिक सदभाव कायम गर्ने उद्धेश्यले सुरू गरिएको भनिएको एमालेको मेची महाकाली अभियानले जातिय द्वन्द्व ल्याउने, मुठभेड निम्त्याउने र सामाजिक सदभाव खल्बल्याउने अभियानबाहेक अरु केही नभएकाले आफूहरूले एमालेले बनाएको स्वागतद्वार जलाएको थरुहट तराई पार्टी नेपालका केन्द्रीय सदस्य रामप्रसाद चौधरीले बताए ।

एमाले अभियानको विरोधमा थरुहट तराई पार्टी नेपाल, कैलालीद्वारा चैत १ गते एक प्रेस विज्ञप्ति जारी गरी चैत २ गते कैलाली जिल्ला बन्दको आह्वान गरेतापनि त्यसले आफूहरूको कार्यक्रमलाई कुनै असर नगरेको एमालेका कैलाली जिल्ला सचिवालय सदस्य भैरव रावलले बताए ।

रविना चौधरी