आन्दोलनकारीप्रति प्रहरीको लाठीचार्ज, चार जना घाइते

 

पुनर्वहालीको माग राख्दै आन्दोनरत् सामाजिक परिचालकहरू माथि प्रहरीले भदौ १३ गते पोखरामा लाठिचार्ज गरेको छ । जिल्ला प्रशासन कार्यलय, कास्की अगाडि आन्दोलन गरिरहेका सामाजिक परिचालकमाथि प्रहरीले लाठिचार्ज गर्दा चारजना सामाजिक परिचालक घाइते भएका छन् ।

घाइते हुनेमा कास्कीको पोखरा महानगरपालिका स्थित वडा नम्बर ९ की सामाजिक परिचालक २५ वर्षीया भावना श्रेष्ठ, अन्नपूर्ण गाउँपालिकाकी सामाजिक परिचालक २९ वर्षीया सङ्गिता भण्डारी, पर्वत जिल्ला कुश्मा नगरपालिका स्थित वडा नम्बर २ की सामाजिक परिचालक ३० वर्षीया सचिनाकुमारी शर्मा र स्याङ्जा जिल्ला वालिङ नगरपालिकाकी सामाजिक परिचालक अमृता नेपाली रहेको आन्दोलनरत् सामाजिक परिचालक सिता केसीले जानकारी दिइन् ।

टाउकोमा गम्भीर चोट लागेका घाइतेहरूको उपचार पोखरा स्वास्थ्य विज्ञान प्रतिष्ठानमा उपचार भइरहेको नेपाल सामाजिक परिचालक कर्मचारी सङ्घ, गण्डकी प्रदेश अध्यक्ष पिताम्बर नेपालीले जानकारी दिए  ।

जिल्ला प्रहरी कार्यालयकी सई गीता रानाभाटले आन्दोलनरत परिचालकले आदेश अवज्ञा गरेका कारण घटना भएको प्रतिक्रिया दिइन् ।


इन्सेक गण्डकी प्रदेश कार्यालय, पोखरा