समाचारहरू

राप्रपाले गरेको आन्दोलनमा घाइते भएका बर्दिया जिल्ला  मधुबन नपा–९ निवासी राप्रपा कार्यकर्ता ६५ वर्षीय ठाकुरप्रसाद डाँगीको उपचारको क्रममा वैशाख ३ गते  काठमाडौँमा मृत्यु भएको छ ।

राप्रपाले गणतन्त्र र धर्मनिरपेक्षता खारेज गर्न माग गर्दै ०८० चैत २७ गते काठमाडौँमा गरेको प्रदर्शनमा घाइते हुनुभएका डाँगीको  वीरेन्द्र सैनिक अस्पताल छाउनीमा उपचार भइरहेको थियो ।

राप्रपाको मधुवन नगरपालिका अध्यक्षसमेत रहनु भएका डाँगी श्वासप्रश्वासको समस्याबाट पहिलेदेखि नै पीडित रहेको र आन्दोलनका क्रममा  प्रहरीले प्रहार गरेको अश्रुग्याँसले उहाँको स्वास्थ्यमा झन् बढी समस्या आएको राप्रपाका प्रवक्ता मोहन श्रेष्ठले बताउनु भयो ।

दीपा सुनुवार