समाचारहरू

चौरजहारी नगरपालिका–१ लामिछाने गाउँकी १३ वर्षीया बालिकालाई आत्महत्या दुरूत्साहन दिएको आरोपमा प्रहरीले दुई जनालाई गिरफ्तार गरेको छ ।

बालिकालाई आत्महत्या दुरूत्साहन दिएको आरोपमा प्रहरीले चौरजहारी नगरपालिका–१ स्थित भ्याली पब्लिक स्कूलका प्रिन्सिपल  ४२ वर्षीया प्रिन्सिपल पुष्पा भाट र स्कूल सञ्चालक ४३ वर्षीया युडेन भण्डारीलाई भदौ २५ गते गिरफ्तार गरेको हो ।

पब्लिक भ्याली स्कूलमा कक्षा आठमा अध्ययनरत बालिकालाई प्रिन्सिपलले भदौ २२ गते कुटपिट गरेको र सोही दिन बालिकाले घरमा स्कूल पोशाकमै झुण्डिएर आत्महत्या गरेको पीडित पक्षको आरोप छ ।

पीडित पक्षले आरोपितद्वयविरूद्ध आत्महत्या दुरूत्साहनमा भदौ २३ गते जिल्ला प्रहरी कार्यालयमा उजुरी दिएपछि आरोपितलाई अनुसन्धानका लागि गिरफ्तार गरेको इन्स्पेक्टर धर्मेन्द्र खड्काले बताउनु भयो ।

शवको पोष्टमार्टम भदौ २२ गते जिल्ला अस्पतालमा गरिएको छ ।

पीडित पक्षले शव बुझी भदौ २३ गते चौरजहारी नगरपालिका–१ बाँसखोला घाटमा सदगत गरिएको छ ।

 

हिरा परियार