आठ वर्षीय भान्जाको हत्या गरेको आरोपमा आरोपित गिरफ्तार

  ०७९ माघ ४ गते

बनगाड कुपिण्डे नगरपालिका–१० माझकाँडाका आठ वर्षीय भिजन घर्तीलाई सोही ठाउँ निवासी ३४ वर्षीय मामा डम्बर पुरीले ०७९ माघ १ गते हत्या गरेको आरोपमा प्रहरीले सोहीदिन आरोपितलाई गिरफ्तार गरेको छ ।

आरोपितले आफ्नै घर आँगनमा रहेको मन्दिर भित्र लगेर धारिलो हतियार (हसिँया) ले बालकको हत्या गरेको स्थानीयले थाहा पाएपछि स्थानीयबासीले प्रहरीलाई सोहीदिन खबर गरेका थिए ।

आरोपितमाथि थप अनुसन्धानका लागि जिल्ला अदालत सल्यानबाट माघ ३ गते १० दिनको म्याद थप भएको जिल्ला प्रहरी कार्यालय सल्यानका सुचना अधिकारी गोपाल श्रेष्ठले जानकारी दिनु भएको छ ।

आरोपित मानसिक रुपमा ठिक नभएको र विगत केही महिनादेखि औषधि सेवन गरिरहेको स्थानीयबासी  नन्दलाल पुन मगर बताएका छन् ।आरोपितको मानसिक अवस्था परिक्षणका लागि माघ ३ गते जिल्ला अस्पताल सल्यानमा लगिएको छ । शवको पोष्टमार्टम जिल्ला अस्पताल सल्यानमा भएको प्रहरीले जानकारी दिएको छ ।


इन्सेक कर्णाली प्रदेश कार्यालय, सुर्खेत