समाचारहरू

आगामी प्रतिनिधि सभा र प्रदेश सभाको निर्वाचनका लागि फोरम-राजपा गठबन्धनका उम्मेदवारहरूले रुपनी गाउँपालिका-१ स्थित रुपनी चोकमा रहेको स्मारकमा चुनावी व्यानर र झण्डा टाँगेर आचारसंहिता उल्लङ्घन गरेका छन् ।

प्रतिनिधि सभा र प्रदेश सभाका लागि उम्मेदवार बनेका राजपाका चन्द्रकान्त चौधरी र दिनेश यादवको तस्विर र चुनाव चिन्ह अङ्कित व्यानर स्मारकमा रहेको सन्देशमूलक होर्डिङ्ग बोर्डका सूचना छोपिने गरी टाँगिएको छ ।

निर्वाचन आचार संहिता २०७२ मा निर्वाचनसम्बन्धी प्रचारप्रसारको लागि नेपाल सरकार, सार्वजनिक संस्था वा स्थानीय तहको भवन, अतिथि गृह, सभागृह प्रयोग गर्न दिन नहुने तथा सरकारी वा सार्वजनिक संस्थाको भवन, स्मारक, पर्खाललगायतमा पर्चा टाँस्न वा टाँस्न लगाउन वा लेख्न वा लेख्न लगाउन नहुने उल्लेख छ ।

मनोहरकुमार पोखरेल