समाचारहरू

नेपाली काङ्ग्रेसले मोलुङ गाउँपालिका-२ रामपुरमा रहेको शशित स्मृति भवन तथा पार्कका आफ्ना प्रचार सामग्री राखेर आचारसंहित उल्लङ्घन गरेको छ ।

मङ्सिर ६ गते काङ्ग्रेसका महामन्त्री सशाङ्क कोइरालाले सम्बोधन गर्ने कार्यक्रम समेत सोही स्थानमा राखिएको छ । सावर्जनिक भवन तथा शहिद पार्कमा सभा आयोजना गरिएको हो ।

सार्वजनिक सम्पदामा चुनावी प्रचार टाँसेर दलहरूले आचासंहिता उल्लङ्घन गरेको गुनासो आए पनि सम्बन्धित निकायले अनुगमन गरेको छैन । त्यस्तै सुनकोशी पुलमा ठूलाठूला आचारसंहिता विपरीतका फ्लेक्स टाँसिए पनि नहटाइएको भन्दै मुख्य निर्वाचन अधिकृतको कार्यालयमा उजुरी परेपनि हटाइएको छैन ।

दलका नेताहरूले शीर्ष नेता ल्याउने नाममा हेलिकोप्टर समेत प्रयोग गर्दै आएका छन् । यसबारे निर्वाचनका लागि खटिएका अनुगमन समतिका सदस्यहरूले चासो नदिएको माओवादी केन्द्रका नेता नवराज खड्काले आरोप लगाए । आचारसंहिता अनुगमन अधिकृत प्रमोद भट्टराई भने अनुगमन भइरहेको दावी गरेका छन् ।

शिवप्रसाद ढुङ्गाना