समाचारहरू

आगामी प्रतिनिधि सभा र प्रदेश सभाको निर्वाचनको लागि सप्तरीका राजनीतिक दलहरूले आचारसंहिता उल्लङ्घन गरी प्रचारप्रसार सुरू गरेका छन् ।

राजनीतिक दलहरूले ठूला आकारका झण्डा, व्यानर सवारी साधनमा राखेर गुडाउनुका साथै सार्वजनिक स्थलहरूमा झुण्ड्याएका छन् ।

बाम गठबन्धनका उम्मेदवारहरूले राजविराज नपा-१६ पर्सा स्थित राधादेवी कैलुसिंह निमाविमा कात्तिक २० गते अगुवा कार्यकर्ता भेला सम्पन्न गरेका छन् ।

अगुवा कार्यकर्ता भेलामा प्रतिनिधि सभाका लागि सप्तरी क्षेत्र नम्बर २ का उम्मेदवार उमेशकुमार यादव र सोही क्षेत्रको प्रदेश सभा २ का उम्मेदवार सरोज मण्डलले सम्बोधन गरेका थिए ।

निर्वाचन आचारसंहिता २०७२ को ८ मा नेपाल सरकार, सार्वजनिक संस्था वा स्थानीय तहको भवन, अतिथि गृह, सभागृह, सवारी साधन वा अन्य सामग्री प्रयोग गर्न दिन नहुने उल्लेख छ ।

मनोहरकुमार पोखरेल