समाचारहरू

मुख्य निर्वाचन अधिकृत भोजराज शर्माले दलका प्रतिनिधीहरू एवम् उम्मेदवारहरूलाई २४ घण्टा भित्र आचारसंहिता विपरीत राखिएका सबै प्रचार सामग्री हटाउन निर्देशन दिएका छन् ।

भक्तपुर जिल्ला प्रशासन कार्यालय र मुख्य निर्वाचन अधिकृतको कार्यालयले मङ्सिर १० गते आयोजना गरेको आचार संहितासम्बन्धी छलफल कार्यक्रममा उनले यस्तो निर्देशन दिएका हुन् ।

भक्तपुरको विभिन्न स्थानमा आचारसंहिता विपरीत राखिएका प्रचार सामग्री पाएको उनले बताए । सामग्री नहटाएमा मङ्सिर १२ गतेदेखि सुरक्षाकर्मी लगाएर हटाउने उनले बताए ।

प्रमुख जिल्ला अधिकारी द्रोण पोखरेलले निर्वाचनलाई शान्तिपूर्ण रूपमा सम्पन्न गर्न दलहरूको सहयोगको आवश्यकता रहेकाले आचारसंहिता विपरीत कार्य नगर्न निर्देशन दिए ।

सविना केसी