समाचारहरू

आचारसंहिता विपरीत मत माग्दै हिँडेको भन्दै मोरङ क्षेत्र नम्बर ६ मा नेपाली काङ्ग्रेसका तर्फबाट उम्मेदवार बनेका शेखर कोइराला विरुद्ध मङ्सिर २० गते उजुरी परेको छ ।

निर्वाचन शुरु हुनु एक दिन अगाडि मौन अबधिमा मङ्सीर २० गते विराटनगर महानगरपालिका–५  त्रिमुर्ती चोकमा मत मागेको भन्दै क्षेत्रीय निर्वाचन कार्यालय मोरङमा उजुरी परेको हो ।

त्यसैगरी क्षेत्र नम्बर ६ को २ नम्बर प्रदेश सभा तर्फ नोपली काङ्ग्रेसको तर्फबाट उम्मेदवार बनेका केदार कार्कीले विराटनगर महानगरपालिका–१२ मा राजनैतिक सभा गरेर आचारसंहिता  उल्लङ्घन गरेको भन्दै उजुरी परेको क्षेत्रीय निर्वाचन कार्यालय विराटनगरका प्रमुख प्रेम सञ्जेलले बताए ।

प्रमुख सञ्जेलले उजुरीका विषयमा छानबिन भइरहेको  जानकारी दिए । प्रमुख सञ्जेलले मौन अबधि शुरु भए यता मोरङमा मात्र ६ ओटा आचारसंहिता उल्लङ्घनका उजुरी परेको जानकारी दिए ।

इन्दिरा भट्टराई