आचारसंहिता विपरीत काम गरेको भन्दै इयुका दुई जना पर्यवेक्षक फिर्ता
निर्वाचन आयोगले चुनावी अनुगमनका लागि कञ्चनपुर जिल्लामा खटिएका, युरोपेली सङ्घ (इयु)का दुई जना पर्यवेक्षकलाई आचारसंहिता विपरीत कार्य गरेको भन्दै फिर्ता बोलाउने निर्णय गरेको बीबीसीले जनाएको छ ।
पहिलो र दोस्रो संविधानसभा चुनावमा समेत अन्तर्राष्ट्रिय पर्यवेक्षकहरू खटिएको भएपनि आचारसंहिता उल्लङ्घन गरेको आरोपमा फिर्ता बोलाइएको यो पहिलो घटना भएको आयोगले जनाएको छ ।
ती दुई पर्यवेक्षकलाई अन्य स्थानमा समेत आसन्न चुनावको पर्यवेक्षण गर्न नदिइने आयोगका अधिकारीहरूले बताएका छन् ।
मङ्सिर १० र २१ गते हुने प्रतिनिधि सभा र प्रदेश सभा निर्वाचनको पर्यवेक्षणका लागि हालसम्म करिब १ सय ५० जना अन्तर्राष्ट्रिय पर्यवेक्षकले निर्वाचन आयोगबाट स्वीकृति लिएका छन् ।
सबैभन्दा बढी पर्यवेक्षक, यसअघिका दुई ओटा संविधानसभा निर्वाचनको पर्यवेक्षण गरेको युरोपेली सङ्घ (इयु)कै छन् ।
निर्वाचन आचारसंहिता पालना गर्ने शर्तमा पर्यवेक्षण अनुमति दिइएको भन्दै निर्वाचन आयोगले कञ्चनपुरमा खटिएका, इयुका दुई पर्यवेक्षकले त्यसको उल्लङ्घन गरेको जनाएको छ ।
आयोगमा आचारसंहिता हेर्ने निर्वाचन आयुक्त सुधीरकुमार शाहले भने-'कञ्चनपुरमा अन्तर्राष्ट्रिय पर्यवेक्षकले मर्यादा बाहिर गएर गतिविधि गरेको विषय आयोगमा आएपछि निर्वाचन आयोगले तत्काल त्यस्तो गतिविधि गर्ने दुईजना अन्तर्राष्ट्रिय पर्यवेक्षकलाई फिर्ता बोलाएको छ । उहाँहरू युरोपेली सङ्घ (इयु)सँग आबद्ध हुनुहुन्छ ।'
गतहप्ता कञ्चनपुर जिल्लाका मुख्य निर्वाचन अधिकृत न्यायाधीश राजेन्द्रकुमार आचार्यले इयुका दुई पर्यवेक्षकले अदालतमा अनावश्यक हस्तक्षेप गरेको बताउँदै कारबाहीका लागि पत्राचार गरेका थिए ।
त्यसकै आधारमा निर्वाचन आयोगले उनीहरूलाई फिर्ता बोलाउन परराष्ट्र मन्त्रालयमार्फत थप प्रक्रियाका लागि इयुको ध्यानाकर्षण गराएको जनाएको छ ।
आयोगका सहायक प्रवक्ता मुकुन्द शर्माले भने-'निर्वाचन आयोगवाट जारी आचारसंहिताको पालना गर्ने शर्तमा समझदारी पत्रमा हस्ताक्षर भएको छ । नियतवश वा नजानेर के भएको हो ? भनेर जान्न हामीले परराष्ट्र मन्त्रालयलाई लेखेर पठाइसक्यौँ ।'
पछिल्लो घटनाबारे काठमाडौँमा खटिएको इयुको निर्वाचन पर्यवेक्षण मिशनलाई सम्पर्क गर्दा उक्त टोलीका सहायक प्रमुख पर्यवेक्षक टमस बसरअपले आफूहरू प्रतिक्रिया दिने अवस्थामा नरहेको बताए ।
निर्वाचन आयोगले भने मिशनका प्रमुख पर्यवेक्षक जेल्याना जोभ्कोले मङ्सिर ८ गते प्रमुख निर्वाचन आयुक्तसँगको भेटमा आगामी दिनमा शतर्क रहने प्रतिबद्धता व्यक्त गरेको जनाएको छ ।
अनलाइन डेस्क
सम्बन्धित समाचारहरू
बलात्कार घटनाका आरोपित गिरफ्तार
६ वर्षीया छोरीलाई बलात्कार गरेको आरोपमा ३५ वर्षीय एक पुरुषलाई प्रहरीले ०८१ चैत ४ गते गिरफ्तार गरेको छ । आरोपितले चैत १ गते बेलुकी आफ्नै घरमा सुतिरहेकी छोरीलाई बलात्कार गरेको…
बलात्कार प्रयास घटनाका आरोपित गिरफ्तार
२२ वर्षीया महिलालाई विवाहको प्रलोभन देखाई बलात्कारको प्रयास गरी हत्या गर्न खोजेको आरोपमा प्रहरीले भिमदत्त नगरपालिका–९ ब्रह्मदेवका २५ वर्षीय दिपक चन्दलाई ०८१ चैत ४ गते गिरफ्तार गरेको छ । पीडित…
बलात्कार घटनाका आरोपित गिरफ्तार
१६ वर्षीया बालिकालाई बलात्कार गरेको आरोपमा मालिका गाउँपालिका–८, सिमलटारी स्थायी घर भइ भारतको भुपालमा काम गर्ने २४ कमल भन्ने चेत बहादुर क्षेत्रीलाई प्रहरीले चैत १ गते गिरफ्तार गरेको छ ।…
सामूहिक बलात्कार घटनाको उजुरी दर्ता
१६ वर्षीया बालिकालाई सामूहिक बलात्कार गरेको घटनाका आरोपितहरू ४५ र ४० वर्षीय पुरुषहरूविरुद्ध पीडित पक्षले जिल्ला प्रहरी कार्यालय सिरहामा दिएको उजुरी प्रहरीले ०८१ चैत ३ गते दर्ता गरेको छ ।…
महिला बेचबिखन घटनाका आरोपित गिरफ्तार
३४ वर्षीया महिलालाई आकर्षक तलबको प्रलोभन देखाई इराक पुर्याइ मानव बेचबिखन गरेको आरोपमा नुवाकोट जिल्ला तारकेश्वर गाउँपालिका–५ घर भएका २४ वर्षीय हिरा तामाङलाई प्रहरीले ०८१ फागुन ३ गते गिरफ्तार गरेको…
