समाचारहरू

प्रतिनिधि सभा सदस्यका लागि नेपाली काङ्ग्रेसका उम्मेदवार दिपक खड्का र प्रदेशसभा (क) का उम्मेदवार टङ्क राईले निर्वाचन आचारसंहिता विपरीत चुनावी प्रचारमा हेलिकप्टर प्रयोग गरेको भन्दै मुख्य निर्वाचन अधिकृतको कार्यालयमा कात्तिक २० गते उजुरी परेको छ ।

कात्तिक १९ गते खड्का र राई जिल्लाको उत्तरी भाटखोला गाउँपालिकाको विभिन्न क्षेत्रमा निर्वाचन प्रचारमा हेलिकप्टर प्रयोग गरी गएको भन्दै नेकपा माओवादी केन्द्र र नेकपा एमालेले संयुक्त उजुरी दिएको मुख्य निर्वाचन अधिकृत प्रकाश राउतले जानकारी दिए ।

हेलिकप्टर प्रयोग गरेर प्रचारप्रसार गरियो भन्दै उजुरी परेकाले अनुमति लिएर हेलिकप्टर प्रयोग भएको वा होइन भनेर आफुहरूले उमेदवारसँग लिखित जबाफ माग गरेको राउतले बताए ।

बाबुराम बास्तोला