समाचारहरू

इन्सेक प्रतिनिधिको पहलमा मध्यनेपाल नगरपालिका–८ का आगलागी पीडितलाई रेडक्रस जिल्ला शाखा लमजुङले सहायता सामाग्री प्रदान गरेको छ ।

त्यसैगरी जिल्ला प्रशासन कार्यालय लमजुङको विपद व्यवस्थापन समितिबाट पनि नगद १२ हजार  रुपियाँ  सहयोग उपलब्ध गराइएको छ ।

रेडक्रस लमजुङ शाखाका सभापति ऋषिराम घिमिरेले पीडितलाई उक्त राहत सामाग्री प्रदान गर्नुभएको थियो भने प्रमुख जिल्ला अधिकारी बसन्तराज पुरीले माघ २२ गते नगद रकम हस्तान्तरण गर्नुभएको थियो ।

रेडक्रसबाट तथा जिल्ला प्रसाशनबाट राहत सामाग्री एवम् नगद लमजुङका इन्सेक प्रतिनिधि प्रमोद अधिकारीको रोहवरमा हस्तान्तरण गरिएको थियो ।

गाइना गुरुङको परिवार बस्दै आएको घर माघ ८ गते बेलुका खाना पकाउँदा आगलागी भएको थियो । आगलागीबाट घर जलेर क्षति भएकाले परिवार विस्थापित भएको छ । आगलागीबाट घरभित्र भएका सम्पूर्ण लत्ता कपडा, भाँडावर्तन, नगद, महत्वपूर्ण कगजात लगायतका सामान जलेर नष्ट भएको छ ।

आगलागिबाट रु ५ लाख बरावरको क्षती भएको पिडित गुरुङले जानकारी दिनुभयो ।

प्रमोद अधिकारी