समाचारहरू

६ वर्षीय समीप काफ्लेलाई आइरनले डामेर यातना दिएको आरोपमा विराटनगर मनपा-३ की ३२ वर्षीया  सरला पौडेल (काफ्ले) विरूद्ध चैत १४ गते प्रहरीमा उजुरी आएको जिल्ला प्रहरी कार्यालयका एसपी अरूण विसीले बताए ।

विराटनगरस्थित अन्नपुर्ण एकेडेमीमा पढ्दै गरेका समीपको शरीरभरी निलडाम देखेर चैत १३ गते  शिक्षकले सोधपुछ गर्दा आमाले आइरनले डामेको बताएपछि विद्यालय प्रशासनले प्रहरीलाई खबर गरेको थियो ।

आरोपितलाई चैत १३ गते साँझ नै गिरफ्तार गरिएको प्रहरीले जनायो । विराटनगर-३ का विक्रम काफ्लेसँग सात वर्षअघि विवाह गरेकी सरलाले केही महिना अघि सम्बन्ध विच्छेद गरी छोरालाई लिएर बस्दै आएकी थिइन् ।

समीपलाई अहिले उनकै बुवाको जिम्मा लगाइएको छ । घटनाबारे थप अनुसन्धान भइरहेको समेत एसपी विसीले बताए ।

इन्दिरा भट्टराई