समाचारहरू

नवलपरासी पश्चिम अस्पतालमा दरबन्दी अनुसार चिकित्सक नहुँदा अस्पताल बिरामीहरू समस्यामा परेका छन् ।

आठ जना विशेषज्ञ डाक्टरको दरबन्दी भएको अस्पतालमा एक जना मात्र विशेषज्ञ डाक्टर कार्यरत  डाक्टर कार्यरत रहेका छन् ।

चिकित्सक नभएपछि विशेषज्ञ सेवा लिन बिरामीहरू नीजि वा बाहिर जिल्ला जाने गरेको बर्धघाट निवासी केशव पन्थीले बताउनु भयो । उहाँका अनुसार बाहिर जिल्ला उपचार गर्न जादा थप खर्च त हुन्छ नै एक्लै जान नसकिने भएकाले साथी लिएर जादा झन् खर्च बढ्छ ।

नशा तथा हाडजोर्नी, बालरोग, महिला रोग, मानसिक रोगलगायतका बिभागमा गरी आठ जना विशेषज्ञ डाक्टरको दरबन्दी रहेको अस्पतालमा डाक्टर नभएकै कारण निजी अस्पतालमा महङ्गो शुल्क तिर्न र जिल्ला बाहिरका अस्पतालहरूमा उपचार गराउन जान बाध्य हुने गरेको रामग्राम नपा– ४ का रामरतन हरिजनले इन्सेक प्रतिनिधिसँगको कुराकानीमा बताउनु भयो ।

विभिन्न समस्या लिएर दैनिक सयौको सङ्ख्यामा आउने बिरामीहरू विशेषज्ञ सेवा लिन बाहिर जानु पर्दा समस्यामा पर्ने गरेका छन् ।

जिल्ला अस्पतालका व्यवस्थापक छमबहादुर अधिकारीले पटक पटक दरबन्दी अनुसारका चिकित्सक उपलब्ध गराउन प्रदेश स्वास्थ्य निर्देशनालयमा ताकेतासहित निवेदन गरेपनि समस्याको सुनुवाइ नभएको बताउनु भयो ।

नारायण पराजुली