समाचारहरू

०८१ असोज १० गतेदेखि परेको अविरल वर्षाका कारण बागमती र लालबकैया नदीको पानी गौर नगरपालिका-३ स्थित जिल्ला कारागारभित्र पसेको छ । कारागारका कैदी बन्दिहरू छतमा बस्नु परेको अवस्था रहेको छ ।

अविरल वर्षाका कारण जिल्ला कारागार गौरका कैदी बन्दिहरू छतमा बस्नु परेको अवस्था रहेको कारागारमा कार्यारत कर्मचारी बुद्धि पुरीले बताउनु भयो ।  ३ सय ३१  जना कैदी बन्दि रहेको कारागारमा महिला कैदी बन्दि १२ जना र पुरुष कैदी बन्दि ३ सय १९ जना रहेको छ । करागार डुबानमा परेपछि १२ जना महिला कैदी बन्दिहरूलाई जिल्ला प्रहरी कार्यालयको हिरासतमा सारिएको र बाँकी ३ सय १९ जना पुरुष  कैदी बन्दिहरूलाई कारागारको छतमा सुरक्षा घेराभित्र राखिएको जिल्ला प्रशासन कार्यालयका प्रमुख हिरालाल रेग्मिले जानकारी दिनुभयो ।

वर्षाका कारण कारागारभित्र तीन फिटसम्म पानी जमेको र बस्न सक्ने अवस्था नभएपछि कैदी बन्दीहरूलाई प्रहरी सुरक्षा घेरामा कारागारको छतमा खाना समेतको व्यवस्थापन गरी राखिएको कारागार प्रमुख मनिस झाले बताउनु भयो । हाललाई कारागारमा खानेपानीको प्रमुख समस्या रहेपनि चाँडै यो समस्या समाधान गर्ने उहाँले जानकारि गराउनु भयो ।

त्यसैगरी, गौरस्थित भन्सार कार्यलय, नेपाल विद्युत प्राधिकरण गौर शाखा, जिल्ला अदालत, प्रादेशिक अस्पताल गौर, जिल्ला प्रहरी कार्यालय, जिल्ला बार एसोसिएसनलगायतका कार्यालयहरू डुबानमा परेको सिडियो हिरालाल रेग्मिले बताउनु भयो ।

गौरी  न्यौपाने