अर्घाखाँची कारागारमा क्षमता भन्दा बढी कैदीबन्दी हुँदा समस्या

  ०७३ कात्तिक २६ गते

राष्ट्रिय मानव अधिकार आयोग उपक्षेत्रीय कार्यालय बुटवल र इन्सेक जिल्ला प्रतिनिधिसहितको अधिकारकर्मीहरूको टोलीले कात्तिक २५ गते कारागार अनुगमन गरेको छ ।

कारागार अनुगमनको क्रममा कारागारभित्र क्षमता भन्दा धेरै कैदीबन्दीहरू राखेका कारण सरसफाई पर्याप्त हुन नसकेको, मानसिक असन्तुलन भएका कैदीबन्दी र सामान्य अवस्थाका कैदीबन्दी एकै ठाउँमा राख्दा समस्या भएको कारागारका निमित्त प्रमुख शिव सुवेदीले जानकारी दिए । २५ जनाको क्षमता रहेको कारागारमा हाल ३४ जना कैदीबन्दी रहेको सुवेदीले जानकारी दिए ।

photo20161111arghakhanchi-1

अनुगमन टोलीले अनुगमनका क्रममा देखिएको अवस्थाको बारेमा उनलाई सुझाव दिएको थियो । मानव अधिकार आयोग उपक्षेत्रीय कार्यालय बुटवलका मानव अधिकार अधिकृत चन्द्रकान्त चापागाईको नेतृत्वमा आएको अनुगमन टोलीले कारागारका कैदीबन्दीको अवस्था, कारागारको भौतिक संरचना, कारागारभित्रको सेवा सुविधालगायतका विषयमा पनि अनुगमन गरेको थियो ।

photo20161111arghakhanchi-2

अनुगमन टोलीमा मानवअधिकार आयोग उपक्षेत्रीय कार्यालय बुटवलका मानवअधिकार अधिकृत चन्द्रकान्त चापागाई, कल्पना नेपाल, अनिष पौडेल र इन्सेक जिल्ला प्रतिनिधि नारायण भुसाल सहभागी थिए ।


नारायण भुसाल