समाचारहरू

धुर्कोट गाउँपालिका–१ नयाँ गाउँका अभिभावक विहीन बालकको सङ्क्षणमा सङ्क्षणमा सहयोग गरीदिन वडा कार्यालयले इन्सेकलाई आग्रह गरेको छ ।

धुर्कोट गाउँपालिका–१ का वडा अध्यक्ष चेतमान कुवंरले कृष्णबहादुर नेपालीका छोराछोरीहरूको बिचल्ली भएकाले संरक्षणमा पहलका लागि पत्र सङ्ख्या ०८० ०८१ को च.न. ९९ पत्र अनुसार लिखितरुपमा माग गर्नु भएको छ ।

कृष्ण नेपाली तीन वर्षदेखि बेपत्ता छन् । पत्नी लक्ष्मी नेपालीको बिरामीका कारण ०८० भदौ ५ गते मृत्यु भएको थियो । अहिले नौ वर्षीय सागर नेपाली र ११ वर्षीय हिमाल नेपालीले आमाको काजकिरिया गरिरहेको वडाध्यक्ष कुवंरले जानकारी दिनुभयो ।

घरको आर्थिक अवस्था कमजोर भएको र दाजु सागर पनि घरमै नबसेर बरालिने भएकाले दुई जना बालकको भविष्य सङ्कटमा परेको भन्दै सङ्रक्षणमा पहल गरिदिन वडाध्यक्ष कुवंरले इन्सेक प्रतिनिधिलाई आग्रह गर्नुभयो ।

इन्सेकको तर्फबाट बालकको सङ्क्षणको लागि एसोएस बालग्राम, भैरहवासँग समन्वय भइरहेको इन्सेक प्रतिनिधि टोपलाल अर्यालले जानकारी दिनुभयो ।

इन्सेक गुल्मीले ले बिगतमा पनि अभिभावक विहीन विभिन्न स्थानका बालिबालिकाहरूलाई उद्धार गरेर एसोएसमा पठाउँदै आएको छ ।

टोपलाल अर्याल