अभिभावकको गुनासो : दिवा खाजा कार्यक्रम प्रभावकारी नहुँदा बालबालिकाहरु ‘जङ्क फुड’ खाना बाध्य

  ०८१ असार ४ गते

सरकारकारले उपलब्ध गराउने दिवा खाजा कार्यक्रमको प्रभावकारी नहुँदा बालबालिकाहरु ‘जङ्क फुड’ खानाबाध्य भएको अभिभावकले गुनासो गरेका छन् ।

जिल्लाकाे खार्पुनाथ गाउँपालिका–१ मलिका माध्यमिक विद्यालय बालविकास देखि कक्षा पाँच सम्माका  ४५ जनाबालबालिकालाई र सोही गाउँपालिका–३ स्थित हुम्ला माध्यमिक विद्यालयका बालविकास देखि कक्षा पाँच सम्माका ४० जना बालबालिकालाई दिवा खाजामा चाउचाउ र बिस्कुट दिने गरेको विद्यार्थीका अभिभावक पदमबहादुर शाहीले आरोप लगाउनु भएको छ ।

बजारको प्याकिङ गरेको दिवा खाजा नदिन आग्रहगर्दा पनि विद्यालयले उक्त दिवा खाजा दिने गरेपछि विद्यार्थीलाई विभिन्न समस्याभएको छ । हाल सबैले दिवा खाजा चाउचाउ र बिस्कुटखादै आएकाछन् । दिवा खाजा गाउँ घरमा उत्पादन भएको अर्गानिक खुवाउनु पर्ने भए पनि बजारमा सजिलै पाउने बालबालिकालाई हानी गर्ने जङ्कफुड खुवाउने गरिएको अर्का अभिभावक बलविर रावलले बताउनु भयो । जङ्कफुडले बालबालिकालाई असर गर्ने भए पनि शिक्षकहरुले बेवास्ता गर्दै उक्त खाजा खुवाउँदै आएको उहाँले गुनासो गर्नुभयो । यस्तो खाजा दिँदा बालबालिकामा दैनिक दिने, टाउको दुख्ने, ज्वरो आउने जस्ता रोगहरू देखापर्ने गरेको छ ।

विद्यालयले चाउचाउ र विस्कुट खाजा दिउका कारण आफ्नो आँखा पहेँलो भएको मालिका माध्यामिक विद्यालय कक्षा ५ मा अध्ययनरत पारसा शाहीले गुनासो गर्नुभयो ।

खार्पुनाथ गाउँपालका शिक्षा शाखा प्रमुख ललितजंग शाहीले गाउँपालिकाका दुई ओटा विद्यालयका बालबालिकालाई खुवाउने दिवा खाजा चाउचाउ गरेको पाइएको बताउनुभयो ।  यसमा सचेत राख्न लगाउने र अबका दिनलाई सुधार गर्ने बताउनुभयो । उहाँका अनुसार दिवा खाजा व्यवस्थापन तथा माप दण्ड २०७६।०७७ को मापदण्ड र निर्देशिकामा दिवा खाजाको व्यवस्थापन साथै विद्यार्थीहरुलाई पोषण युक्त खाने कुरा खुवाउने उल्लेख गरिएको छ ।

उहाँले यस विषयमा पटक–पटक विद्यालयमा अनुगमन गरेर भन्दा पनि नमानेको बताउनुभयो । चाउचाउ नखुवाउनु, गाउँ घरतिर उत्पादन भएको अर्गानिक खाजा दिनु भनेको छ । अब यस विषयमा विद्यालय व्यवस्थापन समिति र प्रधानाध्यापकसँग कुरा राख्ने प्रतिकृया दिनुभयो ।

यस विषयमा मालिका माध्यामिक विद्यालयका प्रधानाध्यापक दलबहादुर ऐडीले चना र सिमि नपाइएकाले समस्याले दिवाखाजामा जङ्क फुड प्रयोग भएको बताउनुभयो । सरकारले दिवा खाजा बापत हिमाली जिल्लाका लागि २० रुपैयाँ दिँदै आएको छ । दुई ओटा विद्यालय गरेर १ सय ८५ जना विद्यार्थी छन् ।


नन्द सिंह