अबरुद्ध राजमार्ग खुलाउन गएका प्रहरीमाथि भएको आक्रमणमा सात जना प्रहरी घाइते

  ०७३ साउन ३१ गते

लेखनाथ नपा-३ स्थित बुढीबजारमा साउन २८ गते भएको दुर्घटनामा मृत्यु भएका लेखनाथ नपा-१३ जनताको चौतारा बस्ने ३५ वर्षीय बिजय गुरुङको परिवारलाई क्षतिपूर्तिको माग गर्दै पीडितका आफन्तजनले राजमार्ग बन्द गराउन खोज्ने क्रममा रोक्न आएका प्रहरीमाथि आक्रमण गर्दा सात जना प्रहरी घाइते भएका छन् ।

साउन ३० गते भएको उक्त आक्रमणमा परी प्रहरी हवल्दार ३८ वर्षीय रामु पौडेल, प्रहरी जवानहरू ४० वर्षीय देबबहादुर थापा, २८ वर्षीया शुष्मा परियार, ३० वर्षीय सुरज नेपाली, ३२ वर्षीय छबिलाल गैरे, सशस्त्र प्रहरी जवानहरू २५ वर्षीय इश्वरदत्त जोशी, २३ वर्षीय चित्रबहादुर थापा घाइते भएको जिल्ला प्रहरी कार्यालय कास्कीका डिएसपी गजुसिद्धि बज्राचार्यले जानकारी दिए ।


विष्णुप्रसाद अधिकारी