समाचारहरू

अपाङ्गता मैत्री भौतिक सङ्चना नहुँदा अपाङ्ता भएका सेवाग्राहीलाई  समस्या हुने गरेको अपाङ्गता भएका नागरिकहरूले गुनासो गरेका छन् ।

सरकारले अपाङ्गता मैत्री भौतिक सङ्रचना निमार्ण गर्ने भनेता पनि जिल्लामा आफूले सेवा लिन जाने क्रममा एउटा पनि सरकारी कार्यालय अपाङ्गता मैत्री भौतिक सङ्चना नभएको प्यूठान नपा– ३ का ३६ वर्षीय दृष्टि विहीन टंक बिकले बताउनु भयो । आफू दृष्टि विहीन भएको र सहयोगीको साथ चाहिने भएपनि सरकारी कार्यालयमा सेवा लिन जादा कार्यालयहरू अपाङ्ग मैत्री नहुँदा समस्या भोगेको बताउनु भयो ।

राष्ट्रिय अपाङ्ग महासंघ लुम्बिनी प्रदेश सदस्य जुमानसिंह केसीले राज्यले बिभिन्न नीति नियम निर्माण गरे पनि कार्यान्वयन नहुँदा आफूहरूले समस्या भोग्नु परेको बताउनु भयो ।

नेपाल सरकारले अपाङ्गता भएका नागरिकहरूकालागि पहुँच युक्त भौतिक सङ्चना तथा सञ्चार सेवा निर्देशिका २०६९ बनाएको र सो निर्देशिका अहिले सम्म कार्यान्वयनमा नआएको प्रदेश सदस्य केसीले बताउनु भयो ।

जिल्लामा  ५ हजार भन्दा बढी विभिन्न बर्गका अपाङ्गता नागरिकहरू रहेको तथ्याङ्क छ ।  अपाङ्गता भएका नागरिकहरूको सरकारी निकायमा सहज नहुँदाकालागि तीनै तहका सरकारले भौतिक सङ्रचना निर्माण गर्दा ध्यान दिनु पर्ने जिल्ला अपाङ्ग महासंघ अध्यक्ष हुनाराम खडकाले बताउनु भयो । निमार्ण सम्पन्न भइसकेका पुराना सङरचना तत्काल अपाङ्ग मैत्री बनाउन नसके पनि अब निमार्ण हुने सङ्रचनामा ध्यान दिनुपर्ने अध्यक्ष खडकाले बताउनु भयो ।

सरकारी भवन  अपाङ्गतामैत्री नहुनु त्यसमा पनि कार्यालय प्रमुखको कार्य कक्ष माथिल्लो तलामा हुँदा आफूहरूलाई सेवा लिन निकै समस्या हुने गरेको खडकाको भनाई रहेको छ ।

अपाङ्गता भएका नागरिकहरूको सरकारी सेवामा सहज पहुँचकालागि सबै  कार्यालयसँग समन्वय गरेको र जिल्लामा अब निर्माण हुने जुन सुकै सरकारी भवन अपाङ्गता मैत्री निमार्ण गर्न को लागि समन्वयको काम गर्ने जिल्ला समन्वय समितिका प्रमुख धरमबहादुर जिसीले बताउनु भयो ।

रविन्द्र पाण्डे