समाचारहरू

जितपुर सिमरा उपमहानगरपालिका–७ बाट गत ०७५ जेठ २२ गते अपहरित ललन गुप्ताका नौ वर्षीय बालक अङ्कित गुप्ताको अत्तोपत्तो नहुँदा परिवार बिचल्लीमा परेको छ ।

 

जेठ २३ गते इलाका प्रहरी कार्यालय सिमरामा पीडित परिवारले बालक अपहरण भएकोमा उजुरी गरेपनि बालकलाई प्रहरीले अपहरण मुक्त गराउन सकेको छैन । एक महिनादेखि अपहरित बालकको अवस्था अझै अज्ञात छ ।

 

अपहरण मुक्त गराउन न भारतीय प्रहरी न नेपाल प्रहरीले साथ दिएको अपहरित बालकका बाबु ललन गुप्ताले गुनासो गरे ।

 

‘हामी परिवार बिचल्लीमा छौँ । छोरोलाई अपहरणमुक्त गराइदिन सबैसित आग्रह गर्छु ।’–ललनले भने । घर नजिकै साथीको घरमा खेल्न गएको बखत अङ्कितलाई अज्ञात समुहले जेठ २२ मा साँझ ७ बजे बजारबाटै अपहरण गरी बेपत्ता बनाएको थियो ।

 

बालकलाई अपहरणमुक्त गर्न प्रहरी टीम परिचालन गरेको जिल्ला प्रहरी कार्यालयकी एसपी मीरा चौधरीले बताइन् । भारतीय प्रहरीसित समन्वय गरेर खोजी कार्य भइरहेको उनले बताइन् ।

लक्ष्मीसाह सोनार