अपहरण तथा शरीर बन्धक घटनाका आरोपित गिरफ्तार

 

एक वर्षीय बालकलाई अपहरण गरेका आराेपित जनकपुरधाम उपमहानगरपालिका-२४ की ४२ वर्षीया विभा देवी मण्डललाई जिल्ला प्रहरी कार्यालय धनुषाले ०८० फागुन १५ गते गिरफ्तार गरेकाे छ ।

आफ्नै घरको प्यासेजमा खेलिरहेका बालकलाई फागुन १२ गते साँझ आराेपितले अपहरण गरेकाे भन्दै पीडित परिवारले बालककाे खोज तलास गरिदिन हुन भनी सोही दिन जिल्ला प्रहरी कार्यालय धनुषामा उजुरी दिनु भयाे ।

खोज तलासकाे क्रममा बालकलाई जिल्ला महोत्तरी लोहारपट्टी नगरपालिका-३ स्थितबाट आराेपित मण्डलको साथबाट फागुन १५ गते फेला पारी उद्धार गरी अभिभावकको जिम्मा लगाएकाे जिल्ला प्रहरी कार्यालय धनुषाका डिएसपी रञ्जन आवाले बताउनु भयाे । साथै आराेपित विरुद्ध पीडित पक्षले दिएकाे उजुरी फागुन १५ गते नै दर्ता गरी थप अनुसन्धानकाे लागि जिल्ला अदालत धनुषाबाट सात दिनको म्याद थप गराएकाे डिएसपी आवाले बताउनु भयाे ।


सन्तोष कुमार यादब