अपरिचित व्यक्तिहरूको समूहद्वारा एक जना महिलाको अपहरण

  ०८१ मङ्सिर ११ गते

२२ वर्षीया महिलालाई ०८१ मङ्सिर ४ गते चार जना अपरिचित व्यक्तिहरूको समूहले अपहरण गरेको छ ।

पीडितका ससुराले भन्नु भयो- “बिहान ६ बजेको समयमा घरको छेउमै रहेको कम्पाउन्ड सरसफाई गरिरहेको अवस्थामा दुई ओटा मोटरसाइकलमा आएका चार जना अपरिचित व्यक्तिहरूको समूहले पीडितलाई बलपूर्वक मोटरसाइकलमा बसाई अपहरण गरी लगेको हो” । मोटरसाइकल नम्बर समेत चिन्न नसकेको उहाँले बताउनु भयो ।

पीडितको खोजतलासको लागि मङ्सिर ७ गते जिल्ला प्रहरी कार्यालय धनुषामा निवेदन दिएको पीडित पक्षले बताउनु भयो ।

पीडितको खोजतलास र घटना बारे अनुसन्धान भइरहेको जिल्ला प्रहरी कार्यालयका इन्स्पेकटर सागर कार्कीले जानकारी दिनु भयो ।


सन्तोषकुमार यादव