समाचारहरू

लालझाँडी गाउँपालिका–४ पर्सियास्थित भृकुटी विद्यालयमा ०८१ असार २ गते राति अपरिचित व्यक्तिहरुको समूहले आगजनी गरेका छन् ।

विद्युत काटिएको समयमा अपरिचित व्यक्तिहरुले गरेको आगजनीबाट विद्यालयको पाँच ओटा कक्षा कोठा, कागज–पत्र, पुस्तक, फर्निचर, पङ्खाहरु, विद्यालयको छाना, ढोकालगायतका समाग्री पूर्ण रूपमा जलेर नष्ट भएको विद्यालयका सस्थापक भक्त रानाले बताउनु भयो । आगजनीका कारण विद्यालयमा ३ लाख भन्दा बढीको क्षति भएको उहाँले बताउनु भयो ।

घटनामा संलग्नहरुको खोजी गर्न र आगजनीबाट भएको क्षतिको विवरण संकिलनका लागि ईलाका प्रहरी कार्यालय, शंकरपुरमा असार ४ गते निवेदन दिएको सस्थापक रानाले बताउनु भयो ।

आगजनीबाट विद्यालयमा हुनगएको क्षतिको विवरण संकलन तथा घटनामा संलग्न व्यक्तिहरुको जोखी कार्य भइरहेको ईलाका प्रहरी कार्यालय, शंकरपुरका प्रहरी हवल्दार हिरासिंह महराले बताउनु भयो ।

लिली कुँवर