समाचारहरू

भूमिकास्थान नगरपालिका-८, ताराखसे भुसालटोलकी ६४ वर्षीया चेतकला पौडेलको ०८१ साउन ११ अपरिचत व्यक्तिद्वारा टाउको र अनुहारमा छुरा प्रहार गरी हत्या प्रयास भएको छ ।

पीडित महिला घरमा एक्लै भएको बेलामा खाना खाँदै गर्दा घरको दलानमा भएको बिजुली बत्तीको मीटर बन्द गरी अपरिचित व्यक्ति घरभित्र पसेर अनुहार, टाउको र गर्धनको नजिक कुममा छुरा प्रहार गरी गम्भीर घाइते बनाइ भागेको जिल्ला प्रहरी कार्यालयका इन्स्पेक्टर दिपेन्द्र रावलले जानकारी दिनुभयो ।

अपरिचित व्यक्तिले छुरा (चक्कु) र हातमा लगाउने ग्लबस छोडेर भागेको इन्स्पेक्टर रावलको भनाइ छ । पीडितले साउन १२ गते जिल्ला प्रहरी कार्यालयमा दिनुभएको उजुरीको आधारमा आरोपित विरुद्ध थप अनुसन्धान गरिरहेको इन्स्पेक्टर रावलले इन्सेकलाई जानकारी दिनुभयो ।

घाइते पौडेलको स्वास्थ्य उपचार अर्घाखाँची अस्पताल, सन्धिखर्कमा भइ थप उपचारको लागि भैरहवा मेडिकल कलेज, भैरहवामा रेफर गरिएको छ ।

कुलबहादुर नेपाली