समाचारहरू

७१ औँ अन्तर्राष्ट्रिय मानव अधिकार दिवसको अवसरमा मङ्सिर २४ गते जनकपुरमा प्रभातफेरी कार्यक्रम गरिएको छ ।

जानकी मन्दिरबाट बिहान ७ बजे इन्सेक प्रदेश २ कार्यालय जनकपुर, राष्ट्रिय मानव अधिकार आयोगको प्रादेशिक कार्यालय जनकपुर, मुख्य न्यायधिवक्ताको कार्यालय प्रदेश २, ओरेक नेपाल, महिला मानव अधिकार सञ्जाल, जिल्ला महिला अधिकार सरोकार समूह, एडभोकेसी फोरम नेपाल, थर्ड एलान्इसलगायतका मानव अधिकारको क्षेत्रमा कार्यरत सङ्घसंस्थाहरूको अगुवाइमा बृहत् प्रभातफेरी गरिएको छ ।

प्रभातफेरी जनकचोक, शिवचोक, भानुचोक हुँदै स्टेशनचोकमा गएर कोणसभामा परिणत भएको थियो ।

कोणसभामा बोल्दै उच्च अदालत जनकपुरका वरिष्ठ न्यायाधीश बाबुराम रेग्मीले विश्वभरमा महिला र बालबालिकाहरूको अवस्था मानव अधिकारको हिसावले नाजुक भएकाले उहाँको हक र अधिकारलाई ख्याल गर्नुपर्ने आवश्यकता रहेको बताउनुभएको छ ।

प्रदेश २ का सांसद रामआशिष यादवले मानव अधिकारको हनन् हुने देश द्वन्द्वमा फस्छ र द्वन्द्वमा फसेका देशले आर्थिक प्रगति र समृद्धितर्फ उन्मुख हुन नसक्ने भएकाले गर्दा यसप्रति हामी सबै मानव सचेत हुनुपर्ने धारणा व्यक्त गर्नुभएको छ ।

हामी सबै मानव अधिकारकर्मीहरू मानव अधिकारको रक्षक हौँ भनेर संकल्प लिएर अगाडि बढ्न सकेको खण्डमा देश र जनताहरूको भविष्य सुखद् हुने बताउनुभएको छ ।

दिपेन्द्रप्रसाद सिंह