समाचारहरू

हलेसी तुवाचुङ नगरपालिका हलेसीबजारमा ठूलो परिमाणमा समयावधि नाघेका अखाद्य उपभोग्य सामान जफत गरी नष्ट गरिएको छ ।

हलेसी तुवाचुङ नगरपालिकाले फागुन २४ गते गरेको बजार अनुगमनका क्रममा ठूलो परिमाणमा भारी मात्रामा दैनिक उपभोग्य वस्तु जफत गरेर नष्ट गरेको हो ।

इलाका प्रहरी कार्यालय, वडा कार्यालय महादेबस्थान, उद्योग बाणिज्य सङ्घ हलेसीलगायतको सहकार्यमा गरिएको बजार अनुगनका क्रममा डेढ लाख रुपियाँ बराबरको म्याद नाघेका सामान जफत गरेर जनाइएको नगरपालिकाका मेयर ईवन राईले बताए ।

कालोबजारी, मूल्य वृद्धि, म्याद नाघेका सामानको बिक्री वितरणलगायतका विकृति नियन्त्रणका लागि नगरपालिकाले हलेसीका ५४ वटा किराना पसल तथा होटल अनुगमन गरेको हो ।

बजार अनुगमनका क्रममा फेब्रुअरी सन् २०१५ मा उत्पादन भएका चाउचाउसमेत फेला परेको अनुगमन टोलीमा संलग्न हलेसी तुवाचुङ नपा-७ महादेबस्थानका वडाध्यक्ष चईन्द्र राईले बताए । अनुगमनका क्रममा पोखरा नुडल्स प्रालिले उत्पादन बन्द गरिसकेको २०१६ मार्च २० उत्पादन मिति उल्लेख भएको सरर चाउचाउसमेत फेला परेको छ ।

सुनिता मगर