अधिकारकर्मीबिच समन्वय र सहकार्य प्रभावकारितामा जोड

पछिल्लो समयमा राष्ट्रिय मानव अधिकार आयोगले नागरिक समाज, पत्रकार र अधिकारकर्मीहरूबिचको समन्वय र सहकार्यमा एक कार्यक्रमका सहभागीहरूले जोड दिएका छन् ।

Photo20170617Rupandehi

राष्ट्रिय मानव अधिकार आयोग केन्द्रिय कार्यालय काठमाडौँले बुटवलमा असार ३ गते आयोजना गरेको राष्ट्रिय मानव अधिकार आयोग, आम सञ्चार र नागरिक समाजबिचको सहकार्य विषयक अन्तरक्रिया कार्यक्रममा बोल्ने सञ्चारकर्मी तथा नागरिक समाजका प्रतिनिधिहरूले यस्तो कुरामा जोड दिएका हुन् ।

कार्यक्रममा राष्ट्रिय मानव अधिकार आयोगका सदस्य गोविन्दप्रसाद शर्मा पौड्यालले राष्ट्रिय मानव अधिकार आयोगले देख्ने, सुन्ने र पीडितले अनुभूति गर्ने गरी काम गर्न कर्मचारीहरूलाई निर्देशन दिए ।

Photo20170617Rupandehi1

उनले मानव अधिकारको नाममा कसैले राजनीति गर्न नहुने भन्दै जसरी मन्दिरमा प्रवेश गर्दा जुत्ता बाहिरै खोलेर भित्र पसिन्छ त्यसरी नै मानव अधिकारकर्मीहरूले मानव अधिकार र राजनीतिक दल विशेषको कुरासँगै लैजान नमिल्ने बताए ।

पौडेलले यो आर्थिक वर्षमा मानव अधिकारको क्षेत्रमा राम्रो कलम चलाउने पत्रकारलाई ५० हजार रुपियाँको पुरस्कारले पुरस्कृत गर्ने बताए । पौडेलले भने-'नागरिक समाज, पत्रकार र मानव अधिकारकर्मी आयोगको 'सिसिटीभी क्यामेरा' भएकोले सधैँ घच्घच्याउन आग्रह गरे । राष्ट्रिय मानव अधिकार आयोग नागरिकको पहलमा गठन भएकाले नागरिक र पीडितको पक्षमा काम गर्नुपर्ने बताए ।

Photo20170617Rupandehi2

नेपाल पत्रकार महासङ्घ रूपन्देहीका निवर्तमान अध्यक्ष शेरबहादुर केसीले राष्ट्रिय मानव अधिकार आयोग संवैधानिक निकाय भएकोले यसको दायरालाई फराकिलो बनाउनु पर्ने बताए ।


रीमा बि.सी.