समाचारहरू

युवा सङ्घ रुपन्देहीका अध्यक्ष तथा देवदहका युवा व्यवसायी देवदह नपा-६ खैरेनीका ३९ वर्षीय दुर्गा तिवारीको पुस ४ गते साँढे ३ बजे अज्ञात समूहले गोली हानी हत्या गरेको प्रहरीले जनाएको छ ।

मोटरसाइकल चढेर देवदह चोकदेखि घरतर्फजाँदै गरेको अवस्थामा उनलाई देवदह-८ मा मोटरसाइकलमै आएका अपरचित व्यक्तिले पछाडिबाट गोली प्रहार गर्दा गोली छातिबाट निस्किएको इलाका प्रहरी कार्यालय बुटवलका डिएसपी मुकुन्द मरासिनीले जानकारी दिए ।

गोली प्रहारबाट गम्भीर घाइते भएका तिवारीको देवदहस्थित देवदह मेडिकल कलेजमा उपचारका क्रममा मृत्यु भएको पनि प्रहरीले जनाएको छ ।

उनको हत्या लगत्तै युवा सङ्घले अनिश्चितकालीन बन्दको घोषणा गर्दै प्रदर्शन सुरु गरेको छ । प्रदर्शन क्रममा प्रदर्शनकारीले राजमार्ग चौराहको प्रहरी बीटमा आगजनी गरेको जनाइएको छ । अहिले पनि आन्दोलन भइरहेको छ । अपराधीलाई गिरफ्तार नगरेसम्म बन्दलगायतका आन्दोलनका कार्यक्रम गरिने आन्दोलनकारीले जनाएका छन् ।

 

रिमा विसी